Stała viadoma, z kim jašče sustrakaŭsia Dźmitryj Łukašenka ŭ Indaniezii
Siaredni syn Alaksandra Łukašenki, niahledziačy na toje, što nie zajmaje pasad va ŭradzie Biełarusi, pravioŭ pieramovy z uładami Indaniezii, piša «Salidarnaść».
Raniej stała viadoma, što 1 śniežnia Dźmitryj Łukašenka pravioŭ sustreču ź ministram sielskaj haspadarki Indaniezii Andy Amranam Sulejmanam. Paviedamlałasia, što syn samaabvieščanaha kiraŭnika Biełarusi, jaki ŭznačalvaje tolki Prezidencki spartyŭny kłub, abmiarkoŭvaŭ pastaŭki ŭ Paŭdniova-Uschodniuju Aziju kalijnych uhnajeńniaŭ i małočnaj pradukcyi.
Jak akazałasia, praź niekalki dzion u Dźmitryja Łukašenki była inšaja publičnaja sustreča z pradstaŭnikami ŭładaŭ Indaniezii — ź ministram inviestycyj Razanam Rasłani.
Toj napisaŭ u sacsietkach, što abmiarkoŭvali «ŭmacavańnie ekanamičnych i inviestycyjnych adnosin».
U Indaniezii ŭ spravazdačach z abiedźviuch sustreč Dźmitryja Łukašenku pradstaŭlali prosta jak syna kiraŭnika Biełarusi.
U lipieni prezident Indaniezii Prabova Subijanta niečakana prylacieŭ u Minsk, dzie pravioŭ sustreču z Alaksandram Łukašenkam. Francuzskaje vydańnie Intelligence Online napisała, što jany abmiarkoŭvali nabyćcio ŭ Biełarusi zbroi.