Pakul Łukašenka z dvuma synami bavić čas u Amanie, treci jahony syn zaśviaciŭsia na druhim kancy kantynienta
Pakul Alaksandr Łukašenka z dvuma synami naviedvaje Aman, jaho siaredni syn Dźmitryj niečakana apynuŭsia ŭ Indaniezii, zaŭvažyŭ Reform.news. Meta hetaj pajezdki vyhladaje niezvyčajnaj: jon abmiarkoŭvaŭ mahčymaści stratehičnaha supracoŭnictva Biełarusi i Indaniezii ŭ ahrarnaj śfiery — pry tym, što da dziaržaŭnaj słužby Dźmitryj maje vielmi ŭskosnaje dačynieńnie i ŭznačalvaje tolki Prezidencki spartyŭny kłub.
U Džakarcie Dźmitryj Łukašenka sustreŭsia ź indaniezijskim ministram sielskaj haspadarki Andzi Amranam Sulejmanam. Na pieramovach prysutničaŭ zahadkavy pradstaŭnik biełaruskaj delehacyi Elijas Barysovič (Elias Borisovich) — čałaviek, pra jakoha niama źviestak u adkrytych krynicach. Jon vystupaŭ ad imia Dźmitryja i padkreślivaŭ, što Biełaruś choča raźvivać supracoŭnictva ŭ charčovaj biaśpiecy, abmieńvacca ahrarnym dośviedam i razhladaje Indanieziju jak važnaha partniora.
Biełaruskaja delehacyja vykazała cikavaść da zakupki indaniezijskaha šakaładu, a taksama abmierkavała mahčymaść zakuplać palmavaje masła i kakosavaje małako. U svaju čarhu indaniezijski bok zajaviŭ, što čakaje ad supracoŭnictva kankretnaj karyści: pastavak małaka, kalijnych uhnajeńniaŭ, a taksama adkryćcia biełaruskaha rynku dla indaniezijskich tavaraŭ — palmavaha masła, kakavy, kakosavych praduktaŭ.
Akramia taho, razhladalisia inviestycyjnyja mahčymaści, u tym liku budaŭnictva ŭ Indaniezii zavoda pa vytvorčaści ŭhnajeńniaŭ i ŭdzieł Biełarusi ŭ prajektach pa pavyšeńni ŭradžajnaści, vytvorčaści techniki i technałahičnaj madernizacyi ahrarnaha siektara.
Indaniezija taksama choča, kab Biełaruś paskoryła atrymańnie siertyfikataŭ biaśpieki i chalal-siertyfikacyi dla biełaruskich małočnych i miasnych praduktaŭ, kab jany mahli pastupać na rynak hetaj pieravažna musulmanskaj krainy.
Jak adznačaje indaniezijski bok, sustreča pavinna stać novym krokam da pahłybleńnia stratehičnaha partniorstva pamiž dźviuma krainami. Pry hetym aficyjnyja miedyja Biełarusi pra pajezdku Dźmitryja Łukašenki ničoha nie paviedamlali, i nieviadoma, ci mieŭ jon inšyja sustrečy ŭ Indaniezii.
Viadoma tolki, što niekalki miesiacaŭ tamu Indanieziju naviedvaŭ kiraŭnik MZS Biełarusi Maksim Ryžankoŭ, jaki taksama abmiarkoŭvaŭ ahrarnaje supracoŭnictva.
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola
Viktara Łukašenku ŭ Amanie nazvali «śpiecyjalnym pradstaŭnikom prezidenta»
U Mjanmie pierad pryjezdam Łukašenki vyzvalili bolš za 3 tysiačy palitviaźniaŭ
Prezident Indaniezii prylataŭ da Łukašenki, kab pahavaryć pra ŭhnajeńni
U Biełaruś prajezdam ź Jeŭropy zazirnuŭ prezident Indaniezii
Ciapier čytajuć
Ci zakryjuć Jeŭropu dla biełarusaŭ? Daradca Cichanoŭskaj raspavioŭ, pra što damoviŭsia ŭ Bierlinie1
Kamientary