Zapuskajuć chutkija čyhunačnyja pieravozki ź Biełarusi ŭ Iran
Łahistyčny apieratar «Biełmytservis» arhanizuje chutki čyhunačny maršrut dla ekspartnych hruzaŭ ź Biełarusi ŭ Iran. Jak zapeŭnivaje pradpryjemstva, termin dastaŭki składzie 13—15 dzion, piša Office Life.
Fota: Office Life
Pa hetym maršrucie kantejnierny ciahnik budzie pieravozić tavary praź Biełaruś, Rasiju, Kazachstan i Turkmienistan da Irana. Da stancyi adpraŭleńnia hruz dastaŭlajecca aŭtatranspartam, paśla čaho kantejniery pierahružajucca na čyhunačnyja płatformy.
U «Biełmytservisie» adznačyli, što hety maršrut stanie adnym z samych chutkich i zručnych dla dastaŭki hruzaŭ pamiž krainami, dapamoža ŭmacavać pazicyi biełaruskich vytvorcaŭ na mižnarodnych rynkach i pašyryć hieahrafiju pastavak.
Raniej byŭ zapuščany pastajanny servis pa adpraŭcy kantejniernych ciahnikoŭ sa zbornymi hruzami pamiž Biełaruśsiu i Turcyjaj. Taksama arhanizavany novy multymadalny maršrut ź Biełarusi ŭ Kalininhradskuju vobłaść: hruzy buduć pieravozicca ciahnikom da porta ŭ Sankt-Pieciarburhu, a zatym na paromie bieź pierahruzki ŭ Kalininhrad.
Čytajcie taksama:
U Łatvii zadumali razabrać čyhunku, što viadzie u Rasiju
U Litvie raskazali, ci prosiać ZŠA viarnuć tranzit biełaruskich uhnajeńniaŭ praz Kłajpiedu
Litva moža całkam spynić pieravozki biełaruskich hruzaŭ čyhunkaju
Na Biełaruskaj čyhuncy adnaho z supracoŭnikaŭ zatrymali za nibyta spryjańnie kantrabandzie cyharet