U Litvie raskazali, ci prosiać ZŠA viarnuć tranzit biełaruskich uhnajeńniaŭ praz Kłajpiedu
«Heta naša sprava».
Ministr zamiežnych spraŭ Litvy Kiastucis Budrys, jaki znachodzicca ź vizitam u ZŠA, raskazaŭ, što z amierykanskimi aficyjnymi asobami nie abmiarkoŭvałasia pasłableńnie zabarony na tranzit biełaruskich uhnajeńniaŭ.
«Što da tranzitu ŭhnajeńniaŭ, to heta sankcyi Jeŭrapiejskaha sajuza i nacyjanalnyja miery Litvy. My pra heta nie havaryli, heta nie ŭvachodzić u ahulny śpis tem dla abmierkavańnia. Heta našaja sprava», — adznačyŭ kiraŭnik litoŭskaha dypłamatyčnaha viedamstva na telekanale LRT.
«ZŠA, kaniečnie, kaardynujuć, infarmujuć, ale robiać heta na dvuchbakovaj asnovie. Našy sankcyi — heta sprava Jeŭrapiejskaha sajuza. Takoj temy nie było.
Byli aściarohi, što buduć vyłučanyja patrabavańni i tamu padobnaje, u jakaści ŭmovy, ale hetaha nie było», — skazaŭ jon.
Na hetym tydni Budrys sustreŭsia ŭ Vašynhtonie ź dziaržsakratarom ZŠA Marka Rubia i śpiecpradstaŭnikom ZŠA pa Biełarusi Džonam Koŭłam.
Pa słovach ministra, źmiakčeńnie tonu Vašynhtona ŭ dačynieńni da Minska źviazana ź imknieńniem ZŠA vyzvalić palitviaźniaŭ pa ŭsim śviecie.
«Ja dumaju, što kali chtości i moža dabicca pośpiechu, to tolki jany, tamu što nichto inšy nie ŭźnimie takoje pytańnie i nie vałodaje takimi instrumientami. Amierykancy razharnuli hłabalnuju kampaniju pa vyzvaleńni ŭsich palityčnych zakładnikaŭ i źniavolenych, jany viaduć jaje ŭ Azii, Afrycy, Paŭdniovaj Amierycy, a taksama ŭ Biełarusi, jany vierać, što vynik dasiahalny, i ja vielmi chaču, kab hety vynik byŭ dasiahnuty», — zajaviŭ Budrys.
«Ale my, viadoma, nie možam dazvolić Łukašenku adčuć smak pry dasiahnieńni hetaha vyniku, ličyć, što ciapier jon moža dazvolić sabie hibrydnyja ataki suprać svaich susiedziaŭ. Pra heta my i kazali. Heta nie moža być canoj, i ŭ hetym u nas jość parazumieńnie», — skazaŭ jon.
Tranzit hruzaŭ «Biełaruśkalija» praź Litvu ŭ Kłajpiedski port byŭ spynieny 1 lutaha 2022 hoda paśla taho, jak litoŭski ŭrad pryjšoŭ da vysnovy, što dahavor pamiž Litoŭskimi čyhunkami i «Biełaruśkalijem», jaki pavinien byŭ dziejničać da kanca 2023 hoda, nie adpaviadaje intaresam biaśpieki krainy.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary