U Sieńnienskim rajonie źjaviacca adrazu dva novyja pomniki pryrody

Novy status atrymajuć čatyry staryja duby-hihanty i krynica kala vioski Rodnaje Siało. Miascovyja žychary ličać, što vada ŭ krynicy maje lekavyja ŭłaścivaści, piša sb.by.

Fota: sb.by

Čatyry duby rastuć u lasnym masivie Bahušeŭskaha lashasa pamiž aŭtadarohaj M-8 Viciebsk — Orša i administracyjnaj miažoj Loźnienskaha rajona. Vyšynia dreŭ składaje 31—38 m, achop stvała — kala 1,5 m. Uzrost duboŭ prykładna 210—220 hadoŭ.

U Sieńnienskaj rajonnaj inśpiekcyi pryrodnych resursaŭ i achovy navakolnaha asiarodździa adznačajuć vialiki turystyčny patencyjał dreŭ-hihantaŭ. Płanujecca praviadzieńnie ekałahičnaha maršrutu, a palana, dzie rastuć duby, moža stać pryrodnym hramadskim miescam dla praviadzieńnia mierapryjemstvaŭ i turystyčnych stajanak.

U svaju čarhu, krynica «Siniaŭkina» kala vioski Rodnaje Siało viadomaja svajoj čystaj i prazrystaj vadoj, jakaja pa vynikach ekśpiertyzy prydatnaja dla pićcia.

Dakumienty na nadańnie zhadanym abjektam statusu pomnika pryrody ŭžo padrychtavanyja.

Kamientary da artykuła