Ministerstva pryrodnych resursaŭ pryniało pastanovu ab likvidacyi bataničnaha pomnika respublikanskaha značeńnia «Astraŭnyja jelniki Dobrušskija» ŭ Dobrušskim rajonie. U dakumiencie adznačajecca, što abjekt straciŭ tuju kaštoŭnaść, dziela zachavańnia jakoj jon byŭ stvorany.
Hetyja jelniki atrymali achoŭny status jašče ŭ 1963 hodzie, kali zajmali kala 30 hiektaraŭ. U 2014 hodzie jany byli dałučanyja da abjektaŭ respublikanskaha značeńnia, ale ŭžo ŭ 2015 hodzie ich płošču istotna skaracili. Ciapier ža jana źviałasia da ŭsiaho 6,9 hiektara — z-za masavaha ŭsychańnia jełak na terytoryi kala vioski Čystyja Łužy.
U toj ža čas Ministerstva pryrodnych resursaŭ pašyryła miežy inšych padobnych abjektaŭ: dvuch jelnikaŭ u Małaryckim rajonie (pomniki «Małaryckija» i «Pažežynskija»), a taksama «Kalinkavickich» jelnikaŭ u Homielskaj vobłaści. Ich achoŭnyja zony pavialičylisia amal u dva razy. Taksama była pašyranaja terytoryja siadziby Fieliksa Dziaržynskaha ŭ Staŭbcoŭskim rajonie.
Na terytoryi pomnikaŭ pryrody pa-raniejšamu zabaronienyja raboty, jakija mohuć źmianić reljef abo vodny režym, raźviedka i zdabyča karysnych vykapniaŭ, a taksama sucelnyja vysiečki lesu.
Kamientary