Łukašenka nie pretenduje na bolš čym dziasiatak «Arešnikaŭ»

Alaksandr Łukašenka paviedamiŭ, što ŭ Biełarusi płanujecca raźmiaścić nie bolš za dziesiać rakietnych kompleksaŭ «Arešnik». Pra heta jon zajaviŭ u Sankt-Pieciarburhu ŭ razmovie z rasijskim prapahandystam Alaksandram Junašavym.

Alaksandr Łukašenka. Fota: Alexei Nikolsky, Sputnik, Kremlin Pool Photo via AP

Adkazvajučy na pytańnie pra kolkaść kompleksaŭ, Łukašenka adznačyŭ, što «dziasiatak — heta maksimum», i paćvierdziŭ, što jany sapraŭdy źjaviacca ŭ krainie.

Raniej, 18 śniežnia, padčas vystupu na Usiebiełaruskim narodnym schodzie, jon zajaŭlaŭ, što «Arešnik» užo prybyŭ u Biełaruś napiaredadni i pačaŭ nieści bajavoje dziažurstva. Pavodle jaho słoŭ, pieršyja pazicyi dla hetaha rakietnaha kompleksu ŭžo padrychtavanyja i abstalavanyja.

Kamientary da artykuła