Na tarhi trapiŭ zahadkavy niedabudavany zamak z 1990‑ch niedaloka ad Minska
Niedabudavany zamak kala Zasłaŭja daŭno staŭ častkaj piejzažu. Maštabny kompleks pačali budavać jašče ŭ 1990‑ia hady, adnak tak i nie zdoleli zaviaršyć. Ciapier pusty budynak pobač ź Minskim moram i trasaj na Maładziečna znoŭ vystaŭleny na tarhi na aŭkcyjonnaj placoŭcy ZAT «Biełrealizacyja». Realt.by raskazaŭ, što heta za abjekt i za kolki jon ciapier pradajecca.
Kompleks šmatfunkcyjanalnaha pryznačeńnia, padobny da siaredniaviečnaha zamka z čyrvonaj cehły, raźmiaściŭsia pa adrasie: horad Zasłaŭje, vulica Hanales, 2a. Da Minska adsiul — kala 12 kiłamietraŭ.
Historyja niezvyčajnaha zamka pačałasia jašče ŭ 1990‑ch hadach. Tady ziamlu na bierazie Zasłaŭskaha vadaschovišča, pamiž vioskaj Hanales i ažyŭlenaj aŭtatrasaj, pačaŭ asvojvać kaapieratyŭ «Rahnieda». Kaapieratary mieli namier adkryć tut hatelna-zabaŭlalny kompleks z restaranam i kazino.
Za nastupnyja dziesiacihodździ ŭłaśniki budynkaŭ nie raz mianialisia, adnak uvasobić u žyćcio ambicyjny prajekt nikomu nie ŭdałosia. U 2016 hodzie, kali ŭčastak z budynkami pierajšoŭ dziaržavie, tut raźmiaščaŭsia kompleks, jaki składajecca z matela, dzieviaci katedžaŭ i navat padziamiella ź sistemaj tunelaŭ.
U pošukach novaha ŭładalnika niedabudavany zamak nie raz vystaŭlali na tarhi. U vyniku ŭ 2019 hodzie jaho pradali z aŭkcyjonu za miljon rubloŭ. Ułaśnikam kompleksu stała kampanija «LuksNSK». Jana źbirałasia adkryć na bazie «zamka» hatel i, miarkujučy z fota, viała tut ramontnyja raboty. Praŭda, zaviaršyć budaŭnictva abjekta da kanca 2024 hoda, a heta było adnoj z umovaŭ aŭkcyjonu, kampanii taksama nie ŭdałosia.
Ciapier budynak z čyrvonaj cehły znoŭ vystaŭleny na tarhi. Pačatkovy košt niedabudavanaha zamka składaje 7,1 miljona rubloŭ (2,4 miljona dalaraŭ).
Novy ŭłaśnik atrymaje administracyjny budynak z kaviarniaj płoščaj 550 kvadrataŭ, zbudavańnie dla kamandnych spartovych hulniaŭ i inšych ekstremalnych vidaŭ sportu płoščaj 4650 kvadrataŭ, padziemnaje zbudavańnie płoščaj 2277 kvadrataŭ, dapamožny budynak 433 kvadraty i transfarmatarnuju padstancyju.
Taksama jamu dastaniecca ŭčastak płoščaj 13,1 ha. Ziamlu pieradaduć u arendu da 2049 hoda.
Dla ŭdziełu ŭ tarhach pretendentam nieabchodna ŭnieści zadatak u pamiery 711 tysiač rubloŭ. Krok aŭkcyjonu, na jaki buduć pavyšacca staŭki, składaje 355 tysiač rubloŭ. Zhodna z praviłami, kali da ŭdziełu budzie dapuščany tolki adzin pretendent, abjekt moža być pradadzieny jamu pa pačatkovaj canie, pavialičanaj na 5%.
Aŭkcyjon pry najaŭnaści zajaŭnikaŭ projdzie 5 śniežnia.
Vystaŭleny na tarhi fizkulturna-azdaraŭlenčy kompleks «Haryzont» u centry Minska
Biełaruski biznesmien adnaŭlaje histaryčny pałac Lubamirskich u Biełastoku. Tam budzie hatel i restaran
Uładalnik «Majontka Padarosk» ličyć niezakonnym aŭkcyjon pa prodažy siadziby. Jon nakiravaŭ pretenziju ŭ rajvykankam
Siadziba Jalenskich u Kleckim rajonie, jakuju pradavali dvojčy, znoŭ šukaje haspadara
U byłym klaštary biernardynaŭ u Dubroŭnie budzie stamatałohija, aryjentavanaja na zamiežnikaŭ
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś17
Kamientary