Tramp «pazityŭna» pahavaryŭ z Pucinym
Prezident ZŠA Donald Tramp pravioŭ telefonnuju razmovu z prezidentam Rasii Uładzimiram Pucinym. Heta ŭžo druhi kantakt palitykaŭ za apošnija sutki, pryśviečany abmierkavańniu situacyi va Ukrainie i vynikam pieramoŭ u Mar-a-Łaha. Pra heta paviedamiła pres-sakratarka Biełaha doma Kerałajn Levit 29 śniežnia na płatformie X.
Donald Tramp. Fota: Tasos Katopodis/Getty Images
U administracyi amierykanskaha prezidenta razmovu nazvali «pazityŭnaj». Detali razmovy pakul nie vydajucca, ale hety zvanok adbyŭsia zhodna z anansavanym raniej hrafikam Trampa.
Padčas sustrečy z prezidentam Ukrainy Uładzimiram Zialenskim 29 śniežnia ŭ Fłarydzie Donald Tramp zajaviŭ, što płanuje znoŭ źviazacca z Maskvoj paśla taho, jak vysłuchaje pazicyju ŭkrainskaj starany i abmiarkuje detali «20‑punktavaha płana».
Čytajcie taksama:
Zialenski: Ukraina choča atrymać ad ZŠA harantyi biaśpieki na 30—50 hadoŭ, Tramp abiacaŭ padumać
Zialenski raskazaŭ, ci hatovy sustrecca z Pucinym
Tramp: Niaŭzhodnienymi zastajucca adno-dva najbolš składanyja pytańni pahadnieńnia pa Ukrainie