Prezident Ukrainy hatovy da sustrečy z Uładzimiram Pucinym u lubym farmacie, adnak važna, kab dziejańni i słovy lidara Rasii supadali. Pra heta Zialenski zajaviŭ padčas anłajn-bryfinhu, piša UNIAN.
Jon adznačyŭ, što vyhladaje «krychu dziŭna», kali Pucin kaža prezidentu ZŠA Donaldu Trampu, što choča skončyć vajnu i što heta nibyta jaho žadańnie, a adnačasova ŭ miedyja zajaŭlaje, što choča i hatovy praciahvać vajnu.
«Jon bje pa nas rakietami, adkryta pra heta kaža, radujecca vynikam źniščeńnia hramadzianskaj infrastruktury, addaje niejkija zahady svaim hienierałam — kudy iści, što zachoplivać i h.d.», — padkreśliŭ Zialenski.
Pavodle jaho słoŭ, takija dziejańni Pucina nie supadajuć ź nibyta mirnaj rytorykaj, jakuju toj vykarystoŭvaje ŭ dyjałohu z Trampam.
«Ja skazaŭ prezidentu ZŠA, što, na moj pohlad, usie hetyja pasłańni majuć krychu rozny charaktar. Ale jašče raz: jak sustrakacca, u jakim farmacie damaŭlacca — nam usio roŭna. My hatovyja. Važna, kab dziejańni i słovy lidara Rasii supadali», — padkreśliŭ prezident Ukrainy.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary