«Prosta rychtujuć hlebu, kab nanieści ŭdary». Zialenski abvierhnuŭ abvinavačańnie ŭ atacy na pucinskuju rezidencyju
Prezident Ukrainy Uładzimir Zialenski źniapraŭdziŭ słovy ministra zamiežnych spraŭ Rasii Siarhieja Łaŭrova ab nibyta atacy 91 ukrainskaha bieśpiłotnika na rezidencyju Pucina ŭ Naŭharodskaj vobłaści i abvinavaciŭ Rasiju ŭ chłuśni, piša «Suśpilnie». Jon źviazaŭ źjaŭleńnie hetych abvinavačvańniaŭ sa svaimi paśpiachovymi pieramovami z prezidentam ZŠA Donaldam Trampam u Mar-a-Łaha.
Na dumku Zialenskaha, Maskva sprabuje stvaryć infarmacyjny fon dla eskałacyi, bo prahres u stasunkach Ukrainy i ZŠA źjaŭlajecca «pravałam dla rasijan».
«Rasijanie nie chočuć zakončyć hetuju vajnu. Svajoj zajavaj, što atakavanaja była niejkaja rezidencyja, jany prosta rychtujuć hlebu dla taho, kab nanieści ŭdary pa stalicy [Ukrainy] i pa dziaržaŭnych budynkach», — padkreśliŭ kiraŭnik dziaržavy.
Zialenski nahadaŭ pra rakietny ŭdar pa budynku Kabinieta Ministraŭ Ukrainy ŭ vieraśni i zaklikaŭ ukraincaŭ być maksimalna ŭvažlivymi da sihnałaŭ tryvohi ŭ najbližejšy čas.
Varta adznačyć, što kolkaść dronaŭ, jakija ahučyŭ Łaŭroŭ, supiarečyć źviestkam Minabarony RF, apublikavanym ranicaj 29 śniežnia. Pavodle infarmacyi abaronnaha viedamstva, nočču nad Naŭharodskaj vobłaściu spačatku nibyta źbili 18 dronaŭ, a zatym jašče 23 bieśpiłotniki. Łaŭroŭ ža naličyŭ ažno 91.
Ukrainskaje vajskovaje kiraŭnictva pakul nie kamientavała hetyja abvinavačvańni.
Rasija abvinavaciła Ukrainu ŭ atacy na rezidencyju Pucina, pahražaje adpłataj
Zialenski: Ukraina choča atrymać ad ZŠA harantyi biaśpieki na 30—50 hadoŭ, Tramp abiacaŭ padumać
Zialenski raskazaŭ, ci hatovy sustrecca z Pucinym
Usio, akramia Danbasa i jašče pary punktaŭ. Pra što damovilisia Donald Tramp i Uładzimir Zialenski ŭ Fłarydzie
Tramp: Niaŭzhodnienymi zastajucca adno-dva najbolš składanyja pytańni pahadnieńnia pa Ukrainie
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary