Dva chlebazavody stali vypuskać chleb ź fijaletavaj pšanicy
U Minskaj vobłaści ŭ 2025 hodzie pačali vypiakać chleb z praroščanaj fijaletavaj pšanicy. Pra heta paviedamili na Barysaŭskim kambinacie chlebapraduktaŭ, piša BiełTA.
Fota ilustracyjnaje
Jak adznačajecca, u adnoj z haspadarak pradpryjemstva było zasiejana 20 hiektaraŭ jaravoj fijaletavaj pšanicy. Nasieńnie zavieźli z Omskaj vobłaści. Śpiecyjalisty tłumačać, što hetaja pšanica adroźnivajecca nie tolki niezvyčajnym fijaletavym koleram ziernia, ale i vysokim utrymańniem antacyjanu — pryrodnaha antyaksidantu, jaki stanoŭča ŭpłyvaje na zdaroŭje čałavieka.
Fijaletavuju pšanicu vyrašyli vykarystoŭvać dla vytvorčaści chleba na dvuch chlebazavodach pradpryjemstva — u Salihorsku i Vilejcy. U Salihorsku raspracavali recept chleba z utrymańniem 67% praroščanaj fijaletavaj pšanicy, jaki atrymaŭ nazvu «Chažoŭski ziernavy». U Vilejcy pačali vypiakać chleb «Dar ziamli», u skład jakoha ŭvachodzić 15% praroščanaha ziernia hetaj kultury.
Nazvy novaj pradukcyi prydumali sami rabotniki kambinata. Pieršyja partyi chleba ź fijaletavaj pšanicy pastupili ŭ prodaž u śniežni 2025 hoda, a prezientacyja i pieršaja dehustacyja adbylisia jašče ŭ vieraśni padčas abłasnoha śviata «Dažynki» ŭ Zasłaŭi.
Čytajcie taksama:
U Barysavie źbirajucca vypiakać fijaletavy chleb
Biełaruskija navukoŭcy vyraścili pšanicu fijaletavaha koleru
U Łuninieckim rajonie pradajuć chleb z sacyjalnaj rekłamaj FOTAFAKT
U Lachavičach patłumačyli, chto vinavaty, što chleb ź miascovaha chlebazavoda vyjšaŭ jak klej