USU atakavali Maskvu dziasiatkami dronaŭ
4 studzienia na Maskvu druhi dzień zapar pravodzilisia ataki dziasiatkaŭ ukrainskich dronaŭ. Pa słovach mera Maskvy Siarhieja Sabianina, da 19:00 było źbita jak minimum 28 bieśpiłotnikaŭ.
Zdymak ilustracyjny. Fota: AP Photo / Evgeniy Maloletka
Ataki pačalisia kala 15:00, a na miescach padzieńnia abłomkaŭ pracavali ekstrannyja słužby. Ministerstva abarony RF pakul nie publikavała infarmacyi pra masavyja ataki na staličny rehijon.
U suviazi z atakami dronaŭ Rasavijacyja časova zakryła asnoŭnyja maskoŭskija aeraporty — «Unukava», «Damadziedava» i «Žukoŭski». Apošni ŭžo, praŭda, adnaviŭ pracu, a «Unukava» i «Damadziedava» prymajuć i adpraŭlajuć rejsy tolki z dazvołu adpaviednych orhanaŭ. U vyniku zatrymana kala 200 rejsaŭ.
Raniej, u noč z 3 na 4 studzienia, SPA Maskvy źbiła jašče 29 dronaŭ USU.
Čytajcie taksama:
CRU paćvierdziła, što Ukraina nie celiła ŭ Pucina ci ŭ jaho rezidencyju padčas svajho ŭdaru dronami