Minabarony Rasii tolki praz dva dni paśla zajavy pra ataku dronaŭ na pucinskuju rezidencyju niešta pra jaje raskazała
Jak skazaŭ na bryfinhu načalnik zienitnych rakietnych vojskaŭ Vajskova-kaśmičnych siłaŭ Rasii hienierał-major Alaksandr Ramanienkaŭ, pra padrychtoŭku nalotu dronaŭ na rezidencyju Uładzimira Pucina ŭ Naŭharodskaj vobłaści nibyta stała viadoma 28 śniežnia kala 19:20 pa maskoŭskim časie (supadaje ź minskim), a sama ataka adbyłasia nočču 29 śniežnia.
Drony, jak śćviardžajuć u viedamstvie, byli zapuščanyja z Sumskaj i Čarnihaŭskaj abłaściej Ukrainy i ruchalisia ŭ bok rezidencyi z terytoryi Branskaj, Smalenskaj, Ćviarskoj i Naŭharodskaj abłaściej. Alaksandr Ramanienkaŭ adznačyŭ, što ataka «była metanakiravanaj, dobra spłanavanaj i ešałanavanaj».
U Ministerstvie abarony RF śćviardžajuć, što ŭ vyniku abarony ad «terarystyčnaj ataki» paškodžańniaŭ i achviar na terytoryi Rasii niama, rezidencyja Pucina nie paciarpieła. SPA nibyta źbiła 91 dron, ź jakich 50 — nad Branskaj i Smalenskaj abłaściami.
Byŭ apublikavany videazapis ź nibyta adnym sa źbitych dronaŭ, dzie bačnyja čorny korpus i bojezapas — fuhasny zarad vahoj u 6 kh z elemientami dla paražeńnia žyvoj siły i cyvilnych abjektaŭ.
Akramia taho, u videa pakazali miascovaha žychara pasiołka Roščyna kala rezidencyi Pucina, jaki ŭ noč na 29 śniežnia nibyta čuŭ mocny huk ad Vałdajskaha voziera. Pra drony jon, adnak, ničoha nie skazaŭ.
Raniej pra ataku zajaviŭ kiraŭnik MZS Rasii Siarhiej Łaŭroŭ, śćviardžajučy, što paśla hetaha Rasija źmienić pierahavornuju pazicyju pa Ukrainie. U svaju čarhu, prezident Ukrainy Uładzimir Zialenski nazvaŭ hetyja zajavy «fejkam», miarkujučy, što Maskva takim čynam rychtuje padstavu dla ŭdaraŭ pa ŭradavych budynkach u Kijevie i zryvu mirnych pieramoŭ z ZŠA.
U Kramli ataku nazvali «terarystyčnym aktam», nakiravanym nie tolki suprać Pucina, ale i suprać Trampa, a taksama dla zryvu pieramoŭ. Pry hetym dakładnych aficyjnych dokazaŭ ataki dronaŭ nie dali. Miascovyja žychary z Vałdaja śćviardžali, što ničoha padobnaha nie čuli i nie bačyli — ni hułu, ni vybuchaŭ.
Łukašenka pra zajavu Rasii ab «atacy dronaŭ» na rezidencyju Pucina: Najdzičejšy teraryzm, ale Pucin nie admovicca ad miru
«Nie było ni hudzieńnia, ni vybuchaŭ». Surjoznyja niestykoŭki ŭ viersii RF pra ataku na rezidencyju Pucina
Pucin paskardziŭsia Trampu na «sprobu» Ukrainy atakavać svaju rezidencyju
«Prosta rychtujuć hlebu, kab nanieści ŭdary». Zialenski abvierhnuŭ abvinavačańnie ŭ atacy na pucinskuju rezidencyju
Rasija abvinavaciła Ukrainu ŭ atacy na rezidencyju Pucina, pahražaje adpłataj
Ciapier čytajuć
«Treba sieści i razmaŭlać. Kali nie atrymlivajecca — ustać i pajści». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ zamiežnych spraŭ1717
Kamientary
This is the time it took for the russians to fabricate the evidence !!