Na jakim Biełaruś miescy ŭ śviecie pa zapasach nafty?

Biełaruś uvachodzić u suśvietny rejtynh krain pa zapasach nafty, choć i znachodzicca ŭ jaho nižniaj častcy. Pavodle źviestak OPEC, dakazanyja zapasy nafty ŭ Biełarusi aceńvajucca na 198 miljonaŭ barelaŭ. Heta dazvalaje našaj krainie zaniać 41 miesca ŭ śviecie, piša Thinktanks.pro.

Nafta, zdabytaja ŭ Žłobinskim rajonie. Fota: «Naša Niva»

Kali paraŭnoŭvać Biełaruś z najbližejšymi susiedziami, to Rasija zajmaje 8‑ie miesca ŭ śviecie z zapasami kala 80 miljardaŭ baralaŭ. Va Ukrainie taksama zapasy bolšyja, čym u Biełarusi: kala 395 miljonaŭ baralaŭ i 39‑ie miesca ŭ suśvietnym rejtynhu. U toj ža čas našy susiedzi z krain Jeŭrasajuza ŭ rejtynh uvohule nie trapili.

Absalutnym suśvietnym lidaram zapasaŭ nafty zastajecca Vieniesueła — 303,2 miljarda baralaŭ, abo kala 17% suśvietnych zapasaŭ. Dalej iduć Saudaŭskaja Aravija (267,2 miljarda baralaŭ), Iran (208,6 miljarda baralaŭ), Kanada (163 miljardy baralaŭ) i Irak (145 miljardaŭ baralaŭ).

Kamientary da artykuła