Zapraŭki «Biełarusnafty» letaś pastavili rekord pa prodažach kavy, čaju i chot-dohaŭ. I heta paśla raznosu Łukašenki
Zapraŭki kampanii «Biełarusnafta» letaś ustanavili rekord prodažu kavy, harbaty i chot-dohaŭ. Pra heta paviedamiŭ infarmacyjny partał kancerna, zaŭvažyła vydańnie Blizko.by.
Sa źviestak samoj kampanii, u 2025 hodzie na firmovych aŭtazapravačnych stancyjach «Biełarusnafty» było pradadziena kala 18 miljonaŭ kubkaŭ kavy i harbaty, a taksama 8,8 miljona chot-dohaŭ i frenč-dohaŭ. I heta, jak śćviardžajecca rekord.
Hety rekord vyhladaje asabliva cikavym, bo jon byŭ dasiahnuty paśla rezkaj krytyki prodažu zapraŭkami dadatkovaj pradukcyi z boku Alaksandra Łukašenki.
U siaredzinie kastryčnika minułaha hoda jon zapatrabavaŭ navieści paradak na zapraŭkach, dzie transpart časta stvaraŭ pieraškody dla ruchu. Łukašenku paviedamili, što ludzi masava skardziacca na vialikija čerhi na AZS. Vyśvietliłasia, što prablema ŭźnikaje nie tolki praz zapraŭku aŭtamabilaŭ, ale i tamu, što mnohija klijenty karystajucca dadatkovymi pasłuhami, pakidajučy mašyny kala kałonak.
U vyniku ŭźnikali situacyi, kali prajezd pa terytoryi zapraŭki faktyčna błakavaŭsia. Łukašenka adznačaŭ, što aŭtamabili stajać upopierak, nichto nie moža prajechać, a ŭ hety čas ludzi spakojna pjuć kavu ŭ kaviarni. Jon taksama nahadaŭ, što raniej sami hramadzianie nastojvali na tym, kab na kožnaj zapraŭcy byli dadatkovyja tavary i mahčymaść vypić kavy. Adnak z časam heta pryviało da novaj prablemy — čerhaŭ praź niapravilnuju arhanizacyju stajanki transpartu.
Paśla hetych zajaŭ «Biełarusnafta» apieratyŭna vystupiła z aficyjnym kamientarom. Užo praź niekalki dzion na aŭtazapravačnych stancyjach źjavilisia śpiecyjalnyja papiaredžańni dla klijentaŭ. Na ekranach kala kałonak pačali pakazvać paviedamleńnie z prośbaj spačatku zapraŭlać aŭtamabil, a ŭžo paśla hetaha naviedvać kaviarniu ci kramu, kab vyzvalić miesca dla inšych kiroŭcaŭ.
Niahledziačy na ŭviedzienyja miery dla źnižeńnia čerhaŭ i naviadzieńni paradku, raniejšy vysoki popyt adyhraŭ svaju rolu. Zapas prodažaŭ, sfarmavany za pieršyja dzieviać miesiacaŭ hoda, byŭ nastolki vialikim, što pa vynikach hoda «Biełarusnafta» ŭsio ž zmahła pastavić rekord pa prodažach kavy i chot-dohaŭ.
U DAI raskazali pra vyniki pravierak na zapraŭkach paśla abureńnia Łukašenki
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka
Jak na zapraŭkach kinulisia vykonvać zahad Łukašenki FOTY
Za kavu aštrafujuć? Jak prachodziać rejdy na zapraŭkach
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała12
Kamientary
Šanujcie biełaruskuju (tolki nie šyldami, kali łaska, a žyvym słovam), i pamiatajcie: Biełaruś maje nie tolki naftu, jana maje ułasny uran. Mahčyma jaho i niamnoha, ale jon jość, i pra ekanamičnuju metazhodnaść jaho zdabyčy u Biełarusi pisaŭ vaš były supracoŭnik Nikołaj Konstantinovič Kartaš.