Unuk Mulavina rekłamuje hadzińnik, vypuščany ŭ honar dzieda
Hadzińnikavy zavod «Łuč» vypuściŭ limitavanuju sieryju hadzińnikaŭ u honar lehiendy biełaruskaj sceny — kampazitara Uładzimira Mulavina, zasnavalnika ansambla «Pieśniary». Usiaho budzie zroblena 300 asobnikaŭ. Vypusk pryśviečany 85‑hodździu muzykanta, jaki naradziŭsia 12 studzienia 1941 hoda.
Kałaž: «Anłajnier»
Kalekcyja atrymała nazvu «Asoba» i stvorana jak danina pavahi čałavieku, jaki źmianiŭ usprymańnie biełaruskaj kultury i zrabiŭ jaje viadomaj za miežami krainy.
Hadzińniki majuć hlancavy korpus sa stali-nieržaviejki, na cyfierbłacie — hryf hitary, a na baku vyhraviravany arnamient. Unutry ŭstanoŭleny šviejcarski kvarcavy miechanizm Ronda 513. Na zadnim viečku vyhraviravany reljefny partret tvorcy i nadpis: «Pieśniary — heta vobraz myśleńnia, žyćcia, dumak». Kožny hadzińnik maje ŭnikalny numar, jahony košt — 889 rubloŭ.
U rekłamie novaj kalekcyi udzielničaje ŭnuk Uładzimira Mulavina Uład. Jon sam muzyka, viadomy nie tolki ŭ Biełarusi jak vykanaŭca ŭ styli techna. Uład vystupaje ŭ składzie dueta Police in Paris, jaki staŭ jašče bolš papularnym za apošni hod.
Čytajcie taksama:
Siem faktaŭ pra Uładzimira Mulavina, jakomu siońnia spoŭniłasia b 85 hadoŭ
Łukašenka raskazaŭ, jak asabista adradžaŭ ansambl «Pieśniary»
U Homieli na Dzień horada tysiača čałaviek stančyli pad pieśniu «Kasiŭ Jaś kaniušynu» VIDEA