Alaksandr Łukašenka 25 žniŭnia na sustrečy z hubiernataram Vałahodskaj vobłaści Rasii Hieorhijem Filimonavym zajaviŭ, što mienavita jon «u pieryjad uzdymu nacyjanalizmu» asabista zajmaŭsia «adradžeńniem» ansambla «Pieśniary» i viartaŭ Mulavina na scenu.
Svaju sustreču z kiraŭnikom Vałahodskaj vobłaści Łukašenka pačaŭ sa zhadki viadomaj pieśni «Pieśniaroŭ» — «Vołahda».
«U tym liku i dziakujučy rasijska-biełaruskamu, možna skazać, kalektyvu «Pieśniary» vy stali samymi paznavalnymi i blizkimi dla Biełarusi ludźmi», — skazaŭ Łukašenka.
Jon raskazaŭ, što asabista zajmaŭsia viadomym kalektyvam.
«Daviałosia adradžać hety kalektyŭ. Pra heta mała chto ciapier kaža. Ale ŭ časy bujnoha nacyjanalizmu ŭ Biełarusi (a ŭsio ž taki jon u nas panavaŭ niekalki hadoŭ, paru hadoŭ da abrańnia) ad usiaho ruskaha, rasijskaha tut sprabavali admovicca niekatoryja. Admovilisia i [sprabavali] prymusić hramadstva. Ale, jak bačycie, hramadstva nie pryniało hety pasył», — skazaŭ jon.
Łukašenka raspavioŭ, što ŭ pačatku svajho kiravańnia sustrakaŭsia z udzielnikami kalektyvu, byŭ dobra znajomy z Uładzimiram Mulavinym, jaki ŭ toj niaprosty tvorčy pieryjad, pavodle Łukašenki, vielmi prasiŭ dapamahčy viarnucca na scenu.
«Kaniečnie, my zrabili ŭsio, kab «Pieśniary» viarnulisia», — skazaŭ Łukašenka.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary