Padčas vizitu na zavod Ford Tramp publična vyłajaŭsia i pakazaŭ siaredni palec VIDEA
Padčas naviedvańnia zavoda Ford u horadzie Dyrbarn ŭ štacie Mičyhan prezident ZŠA Donald Tramp vyłajaŭsia i pakazaŭ siaredni palec adnamu z rabočych. Na videa, źniatym na mabilny telefon, bačna, jak Tramp dvojčy łajecca na čałavieka na vytvorčaj placoŭcy, a potym robić žest palcam, piša The Washington Post.
Skrynšot ź videa
U Biełym domie paćvierdzili sapraŭdnaść videa i nazvali pavodziny prezidenta darečnymi, adznačyŭšy, što rabočy kryčaŭ abrazy ŭ adras Trampa. Na zapisie čujecca kryk z natoŭpu «abaronca piedafiłaŭ», što vyhladaje namiokam na krytyku prezidenta ŭ suviazi sa spravaj finansista Džefry Epštejna.
Supracoŭnik zavoda 40‑hadovy Ci Džej Sabuła pryznaŭ u kamientarach ŚMI, što heta jon vykrykvaŭ abrazy ŭ bok Trampa. Ciapier jaho časova adchilili ad pracy da zakančeńnia pravierki. Sabuła adznačyŭ, što jon dziejničaŭ śviadoma i nie škaduje pra zroblenaje.
Čytajcie taksama:
Apublikavali novuju partyju materyjałaŭ pa spravie Epštejna. Tam znoŭ zhadvajecca Tramp
Apublikavali novyja fota z archiva Džefry Epštejna. Na ich jość i Tramp