Pałata pradstaŭnikoŭ ZŠA prahałasavała za raskryćcio «fajłaŭ Epštejna». Sienat pryniaŭ hetuju pastanovu biez abmierkavańnia
U Pałacie pradstaŭnikoŭ za hetaje rašeńnie prahałasavali 427 kanhresmienaŭ ad abiedźviuch partyj, suprać — tolki adzin respublikaniec.
Pałata pradstaŭnikoŭ ZŠA ŭ aŭtorak amal adnahałosna prahałasavała za publikacyju ŭsich niesakretnych materyjałaŭ sa spravy asudžanaha piedafiła, finansista i byłoha pryjaciela Donalda Trampa Džefry Epštejna, ź jakim, pa słovach prezidenta ZŠA, jon razarvaŭ adnosiny ŭ pačatku 2000-ch, za dva hady da pieršaha aryštu Epštejna. Uśled za hetym Sienat uchvaliŭ zakonaprajekt biez abmierkavańnia, piša Bi-bi-si.
U Pałacie pradstaŭnikoŭ za heta rašeńnie prahałasavali 427 kanhresmienaŭ ad abiedźviuch partyj, suprać — tolki adzin respublikaniec.
Zakonaprajekt pad nazvaj «Zakon ab prazrystaści fajłaŭ Epštejna» (Epstein Files Transparency Act) byŭ uniesieny kanhresmienami ad abiedźviuch partyj.
Nieŭzabavie paśla hetaha lidar demakratyčnaj mienšaści ŭ Sienacie Čak Šumier prapanavaŭ pryniać zakonaprajekt biez abmierkavańnia na asnovie adnahałosnaj zhody. Piarečańniaŭ sapraŭdy nichto ź sienataraŭ nie vykazaŭ, i zakonaprajekt byŭ tym samym pryniaty. Ciapier jon adpraŭlajecca da Trampa, u jakoha zastajecca prava vieta.
Kali prezident nie skarystajecca pravam vieta abo kali Kanhres pieraadoleje jaho, Miniust ZŠA budzie abaviazany apublikavać usie niesakretnyja materyjały, dakumienty, pierapisku i dadzienyja rasśledavańniaŭ.
U hetyja vychodnyja Donald Tramp zaklikaŭ kanhresmienaŭ-respublikancaŭ prahałasavać za hety zakon, zajaviŭšy, što jamu niama čaho chavać. Pry hetym u prezidenta dastatkova paŭnamoctvaŭ dla taho, kab apublikavać lubyja dakumienty administracyi; śpiecyjalny zakon dla hetaha nie patrebny i jaho aŭtary napisali jaho dla taho, kab abaviazać Trampa raskryć hetyja materyjały.
Kanhresmien-demakrat Robiert Harsija, niahledziačy na heta, u aŭtorak paśla hałasavańnia zajaviŭ, što Donald Tramp «panikuje i sprabuje spynić naša rasśledavańnie».
Na minułym tydni kanhresmieny-demakraty apublikavali try łancužki elektronnych listoŭ, u tym liku pierapisku pamiž Epštejnam i jaho daŭniaj paplečnicaj Hiślejn Makśvieł, jakaja zaraz adbyvaje 20‑hadovy termin za handal ludźmi ŭ seksualnych metach. U niekatorych listach zhadvajecca Tramp, ale śviedčańniaŭ, što jon datyčny da jakich-niebudź złačynstvaŭ, tam niama.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Stolki krynic, ale nie, my budziem brać rasiejskamoŭnyja!