Makron: Dźvie traciny raźviedvalnaj infarmacyi dla Ukrainy ciapier zabiaśpiečvaje Francyja

Prezident Francyi Emanuel Makron zajaviŭ, što jahonaja kraina na hety momant zabiaśpiečvaje kala dźviuch tracin raźviedvalnych mahčymaściaŭ Ukrainy dla supraćdziejańnia ahresii Rasii. Pra heta jon skazaŭ padčas vystupleńnia pierad vajskoŭcami na bazie Istr-Le-Ciube.

Emanuel Makron. Fota: AP Photo/Christophe Ena, Pool

Pa słovach Makrona, francuzskija słužby kaardynujuć i nadajuć ukrainskim vojskam raźviedvalnuju infarmacyju, nieabchodnuju dla płanavańnia ŭdarnych apieracyj i abarony.

«Kali hod tamu Ukraina była amal całkam zaležnaja ad raźviedvalnych mahčymaściaŭ ZŠA, to siońnia dźvie traciny hetych mahčymaściaŭ zabiaśpiečvaje Francyja. Sihnał, jaki my pasyłajem ukrainskim partnioram, inšym jeŭrapiejcam i ŭsiamu śvietu — u tym, što my hatovyja. My hatovyja padtrymlivać hetyja namahańni supracivu. My hatovyja strymlivać novyja ahresii abo zabiaśpiečvać mir na našaj ziamli», — skazaŭ prezident Francyi.

U sakaviku 2025 hoda ZŠA časova prypynili pastaŭki vajskovaj dapamohi i raźviedvalnych danych Ukrainie. Paźniej Pientahon praciahnuŭ abmieńvacca infarmacyjaj, jakaja dapamahaje abaronie, ale abmiežavaŭ danyja, što mahli vykarystoŭvacca dla nastupalnych apieracyj. Francuzski ministr abarony Siebaśćien Lekarniu tady zajaviŭ, što Francyja hatovaja davać Ukrainie raźviedvalnyja danyja paśla časovaha prypynieńnia z boku ZŠA.

Raźviedka ad ZŠA dazvalaje Ukrainie svoječasova bačyć paloty rasijskich bambardziroŭščykaŭ, papiaredžvać pra balistyčnuju pahrozu, karektavać sistemy HIMARS i dakładna nanosić udary pa celach u hłybini terytoryi Rasii.

Kamientary da artykuła