Pamiž kancleram Hiermanii Frydrycham Miercam i prezidentam Francyi Emanuelem Makronam uzmacniajecca napružanaść. Pra heta piša niamieckaje vydańnie Der Spiegel, adznačajučy, što razychodžańni pamiž lidarami narastajuć u asabliva składany dla Jeŭropy momant, kali pierad joj paŭstajuć faktyčna ekzistencyjnyja vykliki.
Adnoj z pryčyn novaha kanfliktu stała zajava Makrona pra metazhodnaść mahčymaj razmovy z Uładzimiram Pucinym. U Bierlinie hetuju inicyjatyvu kamientavać nie stali, i, jak miarkuje vydańnie, jana nie była ŭzhodnienaja ź Miercam. Tamu niamiecki kancler, vidać, abraŭ taktyku maŭčańnia, kab nie dapuścić adkrytaha kanfliktu pamiž Hiermanijaj i Francyjaj.
Partniory pa ES, u tym liku i Hiermanija, sustreli prapanovu francuzskaha prezidenta davoli strymana, u toj čas jak u Kramli ideju dyjałohu ŭspryniali z entuzijazmam i zajavili pra hatoŭnaść Pucina da pieramoŭ.
Der Spiegel adznačaje, što hety vypadak — tolki adzin z šerahu roznahałośsiaŭ pamiž Paryžam i Bierlinam, jakija stanovicca ŭsio ciažej chavać. Tandem Makrona i Mierca, jaki pieršapačatkova razhladali jak asnovu dla abjadnańnia Jeŭropy, pastupova raspadajecca.
Aŭtary materyjału padkreślivajuć, što abodva lidary asłablenyja ŭnutrypalityčnymi prablemami ŭ svaich krainach i tamu imknucca ŭmacavać svoj aŭtarytet na mižnarodnaj arenie. I Makron, i Mierc pretendujuć na rolu hałoŭnaha pradstaŭnika ES u adnosinach z takimi suśvietnymi hulcami, jak ZŠA, Rasija i Kitaj. Adnak u čas, kali Ukraina i ŭsia Jeŭropa stajać pierad surjoznymi vyklikami, hałoŭny duet kantynienta ŭsio bolš razychodzicca ŭ pohladach.
Raniej Financial Times taksama pisała pra kanflikt pamiž dvuma lidarami, śćviardžajučy, što Makron faktyčna «zdradziŭ» Miercu. Adnym z klučavych kamianioŭ spatyknieńnia stała pytańnie vykarystańnia zamarožanych rasijskich aktyvaŭ. Kali Mierc vystupaŭ za nakiravańnie kala 210 miljardaŭ jeŭra na dapamohu Ukrainie, to Makron u vyniku padtrymaŭ pazicyju Bielhii i Italii, jakija vystupajuć suprać takoha rašeńnia.
Pamiž Uitkafam i Rubia idzie niepubličnaje supiernictva adnosna farmatu mirnaha płana pa Ukrainie
Čamu ŭłady ES nie stali kanfiskoŭvać zamarožanyja rasijskija aktyvy?
ZŠA i krainy Jeŭropy padrychtavali prapanovy płana padtrymki Ukrainy paśla vajny
Mierc, Makron i Starmier abmierkavali z Trampam situacyju va Ukrainie
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy30
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary
U kinie Emanuel rašučaja zdolnaja hodnaja vartaja ..
Realny tolki " miraž" Ni ździŭlaje )) 85 hod tamu padobnyja zdalisia ińšyja vajavali za nacystaŭ ci kamunisty
Paśla vyzvaleńnia " sajuźnikami" Francyi rašuča zdolnyja tolki z bardelej dzievak halić źnievažać Bardeli u jakich sami harson i pracavali