Na tradycyjnaj navahodniaj pres-kanfierencyi premjer-ministarka Džordža Miełoni zajaviła, što treba pryznačyć śpiecyjalnaha pasłańnika Jeŭropy pa ŭkrainskim pytańni, jaki budzie vieści pieramovy i z Ukrainaj, i z Rasijaj.
«Ja liču, što nastaŭ momant, kali i Jeŭropa pavinna havaryć z Rasijaj, tamu što kali Jeŭropa vyrašyć udzielničać u hetaj fazie pieramoŭ, razmaŭlajučy tolki z adnym z dvuch bakoŭ, jaje pazityŭny ŭkład budzie abmiežavanym», — skazała premjerka Italii.
Pry hetym jana papiaredziła pra nieabchodnaści kaardynavanaha ŭdziełu: razroźnienyja dziejańni mohuć pajści tolki na karyść prezidentu Rasii Uładzimiru Pucinu.
«Kali my zrobim pamyłku, adnaviŭšy pieramovy z Rasijaj i nie prytrymlivajučysia peŭnaha paradku, my zrobim Pucinu pasłuhu. Apošniaje, što ja chaču zrabić u žyćci, — heta zrabić pasłuhu Pucinu», — adznačyła italjanskaja premjerka.
Miełoni taksama adznačyła, što pakul rana havaryć pra viartańnie Rasii ŭ G7 ź pieratvareńniem jaje ŭ G8.
Na siońnia asnoŭnuju rolu ŭ pieramovach pa Ukrainie adyhryvajuć ZŠA, jakija pravodziać asobnyja kansultacyi z Maskvoj i Kijevam. Jeŭrapiejskija lidary padtrymlivajuć kantakty z ukrainskim kiraŭnictvam, ale aficyjnych mirnych pieramoŭ z Rasijaj nie pravodziać.
Raniej prezident Francyi Emanuel Makron taksama adznačaŭ nieabchodnaść uklučeńnia Jeŭropy ŭ pierahavory z Rasijaj, kab nie zastacca pa-za klučavymi rašeńniami, adnačasova praciahvajučy vajskovuju padtrymku Ukrainy i ekanamičny cisk na Maskvu.
Rasijskaja starana nieadnarazova zajaŭlała pra nibyta hatoŭnaść da pieramoŭ, adznačajučy, što Jeŭropa admoviłasia ad dyjałohu, padtrymlivajučy kancepcyju «stratehičnaha paražeńnia» Rasii, ale moža viarnucca da abmierkavańnia, kali budzie ŭličvać «realii na miescach».
Miełoni vystaviła na aŭkcyjon kurjoznyja dziaržaŭnyja padarunki. Siarod łotaŭ — čaraviki sa skury pitona, iPad ad Zialenskaha i miech rysu
Miełoni paviedamiła, što Tramp hatovy dać Ukrainie harantyi biaśpieki pa madeli NATA
ZŠA i krainy Jeŭropy padrychtavali prapanovy płana padtrymki Ukrainy paśla vajny
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy2
Kamientary
Von ajatołłu i to dvihajut,słava proroku.