Tramp abkłaŭ mytami jeŭrapiejskija krainy, pakul jany nie sastupiać jamu Hrenłandyju
Prezident ZŠA Donald Tramp uvioŭ myty na impart tavaraŭ z vaśmi jeŭrapiejskich krain — Danii, Narviehii, Šviecyi, Francyi, Hiermanii, Vialikabrytanii, Niderłandaŭ i Finlandyi — za ich pazicyju adnosna Hrenłandyi.
Donald Tramp. Fota: AP / Alex Brandon
Mytnyja staŭki składuć 10% z 1 lutaha i pavysiacca da 25% z 1 červienia. Jany, jak abvieščana, buduć dziejničać, pakul nie budzie zaklučanaja poŭnaja ździełka pa «kupli» Hrenłandyi.
Tramp znoŭ patłumačyŭ, što ZŠA treba vałodać Hrenłandyjaj u metach nacyjanalnaj biaśpieki i kab praduchilić jaje zachop Rasijaj abo Kitajem. Jon taksama zajaviŭ, što hatovy da pieramoŭ z Danijaj i inšymi krainami, suprać jakich uviali myty.
U adkaz premjer-ministarka Danii Miete Frederyksen zaklikała ZŠA spynić pahrozy, a lidary jeŭrapiejskich dziaržaŭ padkreślili, što tolki Kapienhahien i žychary Hrenłandyi mohuć vyrašać los vostrava.
Danija ŭviała svaje padraździaleńni ŭ Hrenłandyju dla navučalnych metaŭ i pavialičvaje kolkaść samalotaŭ, karabloŭ i vajskoŭcaŭ na vostravie i ŭ akvatoryi. Da ich źbirajucca dałučacca vajskovyja siły Narviehii, Hiermanii, Francyi i Vialikabrytanii.
Čytajcie taksama:
Tramp zajaviŭ, što moža ŭvieści myty suprać krain, jakija suprać jahonaha zachopu Hrenłandyi
Danija abviaściła «karaleŭski zahad ab vykarystańni vojskaŭ» u Hrenłandyi dziejnym
Kandydat Trampa na pasadu pasła ŭ Isłandyi nazvaŭ jaje 52‑m štatam ZŠA