Kandydat Trampa na pasadu pasła ŭ Isłandyi nazvaŭ jaje 52‑m štatam ZŠA
A potym paprasiŭ prabačeńnia za niaŭdały žart.
Bili Łonh, kandydat prezidenta ZŠA Donalda Trampa na pasadu pasła ŭ Isłandyi, paprasiŭ prabačeńnia paśla taho, jak u pryvatnaj razmovie z členami Pałaty pradstaŭnikoŭ pažartavaŭ, što heta kraina stanie «52‑m štatam», a jon budzie jaje hubiernataram, piša Politico.
Łonh, jaki na praciahu šaści terminaŭ pradstaŭlaŭ Misury ŭ Pałacie pradstaŭnikoŭ, na pačatku hetaha tydnia naviedaŭ byłych kaleh. Jaho pryvatny žart vyklikaŭ nievialiki dypłamatyčny skandał: Ministerstva zamiežnych spraŭ Isłandyi zapatrabavała ad ambasady ZŠA ŭ Rejkjaviku adkazu na kamientary Łonha.
«U hetym nie było ničoha surjoznaha, ja byŭ siarod ludziej, jakich nie bačyŭ try hady, i jany žartavali pra toje, što Džef Łendry — hubiernatar Hrenłandyi, a potym pačali žartavać pra mianie, i kali chtości abraziŭsia, to ja prašu prabačeńnia», — skazaŭ Łonh u intervju Arctic Today, niekamiercyjnamu navinavamu sajtu z Alaski.
Paśla pryvatnych kamientaroŭ siarod zakanadaŭcaŭ isłandcy stvaryli pietycyju, u jakoj zaklikajuć ministra zamiežnych spraŭ Katryn Hunarsdocir adchilić kandydaturu Łonha na pasadu ambasadara.
«Hetyja słovy Bili Łonha, jakoha Donald Tramp vyłučyŭ na pasadu pasła ŭ Isłandyi, mahli być skazanyja paŭšeptam, ale jany abraźlivyja dla Isłandyi dy isłandcaŭ, jakim daviałosia zmahacca za svaju svabodu i jakija zaŭsiody byli siabrami Złučanych Štataŭ», — havorycca ŭ pietycyi.
Žart Łonha hučaŭ niajomka na fonie dypłamatyčnaj napružanaści vakoł Hrenłandyi, jakuju Tramp pahražaje zachapić.
U hetym tydni šerah jeŭrapiejskich krain abviaścili, što adpraŭlajuć svaich vajskoŭcaŭ u Hrenłandyju. Heta adbyłosia na fonie zajavy prezidenta ZŠA pra toje, što dackaja abarona Hrenłandyi — heta «dźvie sabačyja zaprežki».
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie21
Kamientary