Biełaruskija bijatłanisty nie trapiać na Alimpijadu — navat u niejtralnym statusie
Mižnarodny sajuz bijatłanistaŭ apublikavaŭ kančatkovy śpis alimpijskich kvot.
Fota: biathlonworld.com
Biełaruskich spartsmienaŭ u śpisie niama, a značyć jany nie zmohuć pryniać udzieł u spabornictvach pa bijatłonie na Alimpijskich hulniach — 2026 — navat u niejtralnym statusie.
Zimovaja Alimpijada projdzie ŭ Italii (Miłan — Karcina-D'ampieca). Pakul alimpijskija licenzii atrymali tolki piać spartoŭcaŭ biełaruskaj zbornaj — frystajlistka Hanna Huśkova, kańkabiežka Maryna Zujeva, harnałyžnica Maryja Škanava, fihurystka Viktoryja Safonava i łyžnica Hanna Karalova.
Na minułaj zimovaj Alimpijadzie było 29 čałaviek.
Dačka viadomaha biełaruskaha łyžnika Siarhieja Dalidoviča Darja, jakaja vystupaje za kamandu biežancaŭ, taksama nie trapiła ŭ kančatkovy śpis.