Tolki adzin pradstaŭnik Biełarusi vystupić u spabornictvach pa frystajle na Zimovaj Alimpijadzie ŭ Miłanie
Heta alimpijskaja čempijonka Pchiončchana-2018 i siarebranaja miedalistka Piekina-2022 Hanna Huśkova.
Paśla dopusku biełaruskich frystajlistaŭ da kvalifikacyjnaha adboru jany ŭziali ŭdzieł u troch etapach Kubku śvietu.
Biełaruska Hanna Huśkova zaniała 28‑ie miesca ŭ kvalifikacyjnym rejtynhu.
Licenzii na Alimpijadu-2026 u Italii atrymlivali 24 najlepšyja mužčyny i žančyny ŭ kvalifikacyjnym rejtynhu. Pry hetym pucioŭku na hałoŭny start čatyrochhodździa mahli atrymać nie bolš za čatyry pradstaŭniki ad adnoj krainy.
Dziakujučy tamu, što frystajlistki z ZŠA, Kitaja i Aŭstralii, jakija apiaredzili Huśkovu, stali «piatym lišnim» ad svaich krain, mienavita naša suajčyńnica kvalifikavałasia na Alimpijskija hulni, piša «Priessboł».
U turniry taksama ŭdzielničali inšyja biełaruskija spartsmieny, jakim nie ŭdałosia prabicca ŭ Italiju. Hanna Dziaruha zaniała vynikovaje 32‑ie miesca, Anastasija Andryjanava — 36-je. U mužčyn Uładzisłaŭ Vaźniuk staŭ 44-m, Ihar Drabiankoŭ — 45-m.
Tamu tolki Hanna budzie adzinym pradstaŭnikom Biełarusi.
Z-za padtrymki pratestaŭ u 2020 hodzie z kamandy frystajłu vykinuli Alaksandru Ramanoŭskuju, taksama jak i adchilili treniera Mikałaja Kazieku, dziakujučy jakomu biełaruskija frystajlisty z 1998 hoda kožnyja Hulni pryvozili miedali — usiaho vosiem, u tym liku čatyry załatyja.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary