U Minsku viartajuć ciapło ŭ damy paśla avaryi na ciepłatrasie
Ciapło i haračuju vadu paetapna viartajuć u damy Frunzienskaha, Maskoŭskaha, Centralnaha, Savieckaha i Kastryčnickaha rajonaŭ, paviedamili ŭ Minenierha.
Zdymak ilustracyjny. Fota: «Naša Niva»
Pryjarytetnaja ŭvaha nadajecca adnaŭleńniu ciepłazabieśpiačeńnia sacyjalnych abjektaŭ — balnic, škoł, dziciačych sadkoŭ.
Arhanizavanyja abychody žyłych damoŭ dla pravierki paramietraŭ cisku i tempieratury ciepłanośbita, likvidacyi pavietranych korkaŭ i rehulavańnia padačy ciapła ŭ kvatery. Idzie naładka i rehulavańnie tempieraturnaha i hidraŭličnaha režymu sistemy ciepłazabieśpiačeńnia.
Na paškodžanych učastkach ciepłamahistralaŭ praciahvajuć pracavać avaryjnyja bryhady. Piersanał RUP «Minskenierha» pracuje va ŭzmocnienym režymie.
Paviedamlajecca, što raboty buduć vieści ŭ kruhłasutačnym režymie da poŭnaha adnaŭleńnia ciepłazabieśpiačeńnia.
Čytajcie taksama:
Viartańnie ciapła ŭ kvatery Minska moža zaciahnucca da viečara. Haradžanie apisvajuć maštab avaryi
Łukašenka, jaki nie lubić haračyni, skazaŭ, što batarei ŭ kvaterach mohuć hreć i mienš
Avaryja na ciepłamahistrali ŭ Minsku — žychary piaci rajonaŭ mohuć zastacca z chałodnymi batarejami