Łukašenka, jaki nie lubić haračyni, skazaŭ, što batarei ŭ kvaterach mohuć hreć i mienš
«Nie 25, a 20 hradusaŭ. Dastatkova ŭ domie».
Siońnia zdaryłasia avaryja na ciepłamahistrali ŭ Minsku, prablemy z aciapleńniem zakranuli piać rajonaŭ.
Alaksandr Łukašenka prakamientavaŭ situacyju.
«Kažuć, dzieści tam pad Minskam niešta pad ranicu ŭciečku stała davać. Ciepłatrasa — pavysili cisk… Jak zvyčajna. I ja padumaŭ try dni tamu: dumaju, treba papiaredzić načalnikaŭ… Ale, napeŭna ž, viedajuć: nu dajcie vy troški chaładniej ciepłanośbit — vadu ci jašče niešta, ale kab jana była pastajanna. Horš budzie, kali cisk pavysić, ciapło takoje ŭ dom, ale jaho nie budzie naohuł», — pryvodzić słovy Łukašenki BiełTA.
Łukašenka raskazaŭ, što ciapier znajšli reziervovyja krynicy dla vyrašeńnia prablemy. Ale jon paraiŭ nie rabić tempieraturu ŭ damach zanadta vysokaj, kab zachavać aciaplalnuju sistemu.
«Nu kali b nie 90 hradusaŭ vada ŭ trubach, a 80 i cisk pamienšy, — troški chaładniej było b u pakoi. Nie 25, a 20 hradusaŭ. Dastatkova ŭ domie», — ličyć palityk.
Nahadajem, sam Łukašenka nie lubić haračyniu. U Pałacy niezaležnaści siaredniaja tempieratura 17‑18 hradusaŭ (a časam byvała i 16). Na apošnim Usiebiełaruskim narodnym schodzie palityku pastavili trybunu z kandycyjanieram.
Kamientary