Staŭ viadomy źmiest lista lidaraŭ Narviehii i Finlandyi, jaki vyklikaŭ rezkuju reakcyju Trampa
U hetym liście premjer-ministr Narviehii Jonas Har Ściore i prezident Finlandyi Alaksandr Stub pryjaznym tonam zaklikali prezidenta ZŠA Donalda Trampa da źnižeńnia napružanaści i prapanavali pravieści telefonnuju razmovu, kab abmierkavać transatłantyčnyja adnosiny, pytańni Hrenłandyi, Hazy, Ukrainy i ŭviadzieńnia myt. Tekst lista apublikavała narviežskaje vydańnie VG, piša «Jeŭrapiejskaja praŭda».
Donald Tramp. Fota: Chip Somodevilla / Getty Images
«Darahi prezident, darahi Donald! My pišam nakont transatłantyčnych suviaziaŭ, Hrenłandyi, Hazy, Ukrainy i vašaha ŭčorašniaha anonsu ab mytach.
Vy viedajecie našu pazicyju pa hetych pytańniach. Ale my pierakananyja, što ŭsie my pavinny pracavać nad załahodžvańniem situacyi i deeskałacyjaj — vakoł nas adbyvajecca vielmi šmat usiaho, dzie nam treba trymacca razam.
Prapanujem pravieści telefonnuju razmovu paźniej u toj ža samy dzień — albo z abodvuma nami adnačasova, albo paasobku — dajcie nam znać, jakomu farmatu vy addajecie pieravahu.
Z najlepšymi pažadańniami, Aleks i Jonas», — napisali lidary Finlandyi i Narviehii.
Jak stała viadoma raniej, Tramp u svaim adkazie na hety list źviazaŭ svaje pretenzii na Hrenłandyju z tym, što jamu nie prysudzili Nobieleŭskuju premiju miru, i zajaviŭ, što bolš nie adčuvaje abaviazku dumać tolki pra mir i choča «poŭnaha kantrolu» nad vostravam.
17 studzienia Tramp abviaściŭ pra ŭviadzieńnie myt suprać niekatorych jeŭrapiejskich krain, jakija nie padtrymali jaho pretenzii na Hrenłandyju.
Čytajcie taksama:
Tramp zaprasiŭ Łukašenku ŭvajści ŭ Radu miru pa Hazie
Tramp zaprasiŭ Pucina ŭ Radu miru
Łukašenka pachvaliŭ Trampa za pramaliniejnaść, ale dadaŭ, što dla jaho heta nieprymalna
Tramp zajaviŭ, što bolš nie abaviazany dumać pra mir, bo jamu nie ŭručyli Nobieleŭskuju premiju miru