Trochrazovy ŭładalnik futbolnaha «Załatoha miača» kinuŭ pracu, kab dahladać chvoruju žonku

Kolišni lehiendarny niderłandski forvard Marka van Basten paviedamiŭ, što sychodzić z pasady televizijnaha kamientatara kanała Ziggo Sport. Takoje rašeńnie jon pryniaŭ dla taho, kab całkam pryśviacić siabie padtrymcy i dohladu žonki Liśbiet, jakaja surjozna chvareje, paviedamlaje Ziggosport.nl.

Liśbiet van Basten (krajniaja źleva) i Marka van Basten (krajni sprava). Fota: Instagram.com / Marcovanbasten

Pavodle słoŭ van Bastena, najbližejšyja miesiacy stanuć niaprostymi dla ich siamji, ale jany zachoŭvajuć nadzieju na stanoŭčy vynik.

Kiraŭnictva telekanału vykazała słovy padtrymki Marku van Bastenu i jaho rodnym, adznačyŭšy, što ščyra spačuvaje i žadaje im sił u hety składany pieryjad. Padrabiaznaści chvaroby žonki futbalista nie raskryvajucca.

Marka van Basten ličycca adnym z najlepšych futbalistaŭ u historyi. Jon vystupaŭ za «Ajaks» i «Miłan», a ŭ 1987, 1988 i 1992 hadach rabiŭsia ŭładalnikam «Załatoha miača». Z-za šmatlikich traŭm jon zaviaršyŭ karjeru ŭžo va ŭzroście 31 hoda. Za zbornuju Niderłandaŭ van Basten pravioŭ 58 matčaŭ i zabiŭ 24 hały.

Kamientary da artykuła