Łukašenka chucieńka dałučyŭsia da trampaŭskaj Rady miru
Jon abaviazaŭsia vykonvać statut arhanizacyi, ab čym padpisaŭ adpaviedny dakumient.
Alaksandr Łukašenka. Fota: Alexander Kazakov, Sputnik, Kremlin Pool Photo via AP
U paviedamleńni pres-słužby Łukašenki adznačajecca, što heta robicca «ŭ poŭnaj adpaviednaści z praduhledžanaj praceduraj, jakaja była paznačanaja ŭ liście prezidenta ZŠA Donalda Trampa».
«Mianie vabić toje, što hetaja Rada miru, jaje dziejańni, mahčymaści mohuć raspaŭsiudzicca na inšyja častki płaniety», — zajaviŭ Łukašenka.
«Pierš za ŭsio, moža być, i Ukrainie my dapamožam, zmožam nablizić mir, zmožam paŭpłyvać na kiraŭnictva ŭkrainskaje. Voś heta mianie bolš za ŭsio vabić, a nie toje, što my ŭžo mocna dapamožam Hazie. Ja viedaju svaje mahčymaści i mahčymaści Biełarusi», — pryznaŭsia jon.
Tramp paklikaŭ u Radu miru bolš za 50 krain, u tym liku i Rasiju.
Čytajcie taksama:
Tramp źbirajecca raspaŭsiudzić pracu Rady miru na ŭsiu płanietu
Zialenski prakamientavaŭ zaprašeńnie Ukrainy ŭ Radu miru razam ź Biełaruśsiu i Rasijaj
Tramp zaprasiŭ u Radu pa Hazie 50 krain, u tym liku Rasiju, Ukrainu, Kitaj, Polšču i Biełaruś