Tramp zaprasiŭ u Radu pa Hazie 50 krain, u tym liku Rasiju, Ukrainu, Kitaj, Polšču i Biełaruś
Prezident ZŠA zaprasiŭ šerah suśvietnych lidaraŭ dałučycca da jaho Rady miru pa Hazie.
Bloomberg adznačaje, što takim čynam jon spadziajecca prasunuć svoj 20‑punktny płan, nakiravany na zabieśpiačeńnie ŭstojlivaha miru ŭ rehijonie.
Ahienctva składała śpis krain na asnovie infarmacyi ad daśviedčanych krynic i publikacyj u sacyjalnych sietkach. Adznačajecca, što śpis nie źjaŭlajecca poŭnym — u jaho ŭvajšli 49 krain i Jeŭrakamisija:
AAE, Ałbanija, Aman, Arhiencina, Aŭstralija, Aŭstryja, Bachrejn, Biełaruś, Brazilija, Vialikabrytanija, Vienhryja, Vjetnam, Hiermanija, Hrecyja, Jehipiet, Jeŭrapiejskaja kamisija, Izrail, Indaniezija, Indyja, Ijardanija, Irłandyja, Ispanija, Italija, Kazachstan, Kanada, Katar, Kipr, Maroka, Niderłandy, Novaja Ziełandyja, Narviehija, Pakistan, Parahvaj, Partuhalija, Paŭdniovaja Kareja, Polšča, Rasija, Rumynija, Saudaŭskaja Aravija, Sinhapur, Słavienija, Tajłand, Turcyja, Uźbiekistan, Ukraina, Finlandyja, Francyja, Šviejcaryja, Šviecyja, Japonija.
Kitaja ŭ hetym pieraliku niama, ale AFP paviedamlała, što ŭ Piekinie atrymali zaprašeńnie.
Pavodle danych Bloomberg, Tramp raźličvaje, što statut Rady miru padpišuć u hety čaćvier na forumie ŭ Davosie.
16 studzienia Tramp abviaściŭ ab stvareńni Rady miru, jakaja budzie kiravać adnaŭleńniem siektara Haza. Paźniej stała viadoma, što jon zapytvaje pa miljardzie dalaraŭ ad krain, jakija chočuć atrymać pastajannaje miesca ŭ joj.
Kamientary
Hdie Afrika - rodina čiełoviečiestva, bro? Možiet li Mir byť biez Rodiny Čiełoviečiestva? Nado li nam takoj Mir?