Zialenski prakamientavaŭ zaprašeńnie Ukrainy ŭ Radu miru razam ź Biełaruśsiu i Rasijaj
Ukraina atrymała zaprašeńnie ŭ Radu miru ad prezidenta ZŠA Donalda Trampa, dypłamaty pracujuć nad im, pra heta zajaviŭ prezident Ukrainy Uładzimir Zialenski, adkazvajučy na pytańni žurnalistaŭ.
«Zaprašeńnie my atrymali, dypłamaty pracujuć nad im. Ale Rasija — naš vorah, Biełaruś — ich sajuźnik, składana ŭjavić, jak my z RF možam być razam u toj ci inšaj radzie», — pieradaje RBK-Ukraina słovy Zialenskaha.
Jon taksama zaŭvažyŭ, što ŭ cełym heta nie tyčycca kankretna hetaj rady, prosta Rasija — heta pra radu vajny, i Biełaruś zaraz razam ź joju.
«Skažu vam adkryta, nam treba vyžyć. My zmahajemsia za svaju niezaležnaść, za svaju svabodu, za svajo isnavańnie. U hetaj baraćbie nam patrebnaja lubaja dapamoha», — dadaŭ jon.
15 studzienia Tramp abviaściŭ ab stvareńni Rady miru dla kantrolu nad paślavajennym kiravańniem Hazaj. Členstva ŭ arhanizacyi raźličana na try hady, adnak krainy, jakija ŭniasuć 1 młrd dalaraŭ najaŭnymi na praciahu pieršaha hoda, zmohuć zajmać svaje miescy biesterminova.
Donald Tramp nakiravaŭ aficyjnyja zaprašeńni lidaram krain śvietu adnosna ŭdziełu ŭ pracy Rady miru pa siektary Haza. Siarod ich — Rasija, Biełaruś, Kitaj.
Prezident ZŠA choča, kab cyrymonija padpisańnia adbyłasia ŭ Davosie ŭ čaćvier, 22 studzienia, niahledziačy na zakliki niekatorych z zaprošanych pierahledzieć umovy pracy kamisii.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu1
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Nie Biełaruś i Jaje NAROD raźviazali hetuju vajnu , a kryvavaja pramaskoúskaja chunta łukašenki .