Čarnobylskuju AES padklučyli da elektrasiłkavańnia
Čarnobylskaja atamnaja elektrastancyja praciahvaje atrymlivać elektrazabieśpiačeńnie ad abjadnanaj enierhasistemy Ukrainy, niahledziačy na načnuju ataku na enierhietyčnyja abjekty. Pra heta paviedamiła Ministerstva enierhietyki Ukrainy.
Fota ilustracyjnaje
U noč na 20 studzienia 2026 hoda rasijskija vojski nanieśli maštabny rakietna-dronavy ŭdar pa enierhietyčnaj infrastruktury, u tym liku pa vuzłach, jakija zabiaśpiečvajuć elektryčnaściu abjekty ŭ zonie adčužeńnia Čarnobyla.
Dziakujučy apieratyŭnaj i zładžanaj pracy enierhietyčnych słužbaŭ usie abjekty DSP «Čarnobylskaja AES», uklučajučy Novy biaśpiečny kanfajnmient i schoviščy adpracavanaha jadziernaha paliva, ciapier stabilna pracujuć u štatnym režymie, paviedamlaje ŭkrainskaje Minenierha.
Radyjacyjny fon jak na terytoryi stancyi, tak i ŭ zonie adčužeńnia zastajecca ŭ miežach normy. Stancyja maje dastatkovy zapas paliva i hatovyja reziervovyja krynicy elektrazabieśpiačeńnia na vypadak novych napadaŭ.
Na hety momant pahrozy dla nasielnictva i navakolnaha asiarodździa niama. Piersanał AES i enierhietyčnyja słužby praciahvajuć uzmocnieny kantrol za situacyjaj.
Raniej Mižnarodnaje ahienctva atamnaj enierhii (MAHATE) paviedamlała, što Čarnobylskaja atamnaja stancyja całkam straciła suviaź sa źniešniaj elektrasietkaj z-za maštabnaha abstrełu.
Čytajcie taksama:
Čarnobylskaja AES zastałasia bieź źniešniaha siłkavańnia paśla rasijskaj ataki
Rasija i Ukraina damovilisia pra łakalnaje pieramirje kala Zaparožskaj AES
Na Čarnobylskaj AES papiaredzili, što abarončy sarkafah moža nie vytrymać novaha rasijskaha ŭdaru
MAHATE: Sarkafah na Čarnobylskaj AES paśla ŭdaru bieśpiłotnika straciŭ asnoŭnyja funkcyi biaśpieki
U Čarnobyli znajšli niezvyčajny čorny hryb, jaki siłkujecca radyjacyjaj