MAHATE: Sarkafah na Čarnobylskaj AES paśla ŭdaru bieśpiłotnika straciŭ asnoŭnyja funkcyi biaśpieki
Mižnarodnaje ahienctva pa atamnaj enierhii (MAHATE) apublikavała vyniki abśledavańnia sarkafaha na Čarnobylskaj AES, u jaki ŭ lutym 2025 hoda trapiŭ bieśpiłotnik, piša «Mieduza».

Pavodle danych MAHATE, sarkafah «straciŭ svaje asnoŭnyja funkcyi biaśpieki, uklučajučy mahčymaści pa abmiežavańni (vykidu radyjeaktyŭnych rečyvaŭ)». Pry hetym ekśpierty pryjšli da vysnovy, što niezvarotnych paškodžańniaŭ niesučych kanstrukcyj abo sistem manitorynhu sarkafaha niama.
«Na dachu byŭ praviedzieny abmiežavany časovy ramont, ale svoječasovaje i kompleksnaje adnaŭleńnie zastajecca nieabchodnym dla praduchileńnia dalejšaha razbureńnia i zabieśpiačeńnia doŭhaterminovaj jadziernaj biaśpieki», — skazaŭ hienieralny dyrektar MAHATE Rafael Hrośsi.
U 2026 hodzie, havorycca ŭ raspaŭsiudžanym ahienctvam paviedamleńni, płanujecca pry padtrymcy Jeŭrapiejskaha banka rekanstrukcyi i raźvićcia pravieści na sarkafahu časovy ramont, kab paśla zakančeńnia vajny całkam adnavić achoŭnaje zbudavańnie.
-
Ukrainskaja apieracyja «Pavucińnie» mahła sarvacca ŭ apošni momant — pilny dalnabojščyk znajšoŭ bieśpiłotniki ŭ korpusie
-
Zialenski paviedamiŭ pra isnavańnie troch dakumientaŭ, jakija datyčacca zaviaršeńnia vajny va Ukrainie
-
Syrski: Ukrainskija vojski ź siaredziny listapada zmahli viarnuć kantrol nad častkaj Pakroŭska i ciapier utrymlivajuć paŭnočnuju častku
Kamientary