Uitkaf i Kušnier sustrelisia ŭ Davosie z pradstaŭnikom Pucina
Śpiecyjalny pasłańnik prezidenta ZŠA Styvien Uitkaf i ziać Donalda Trampa Džared Kušnier u Domie ZŠA ŭ Davosie padčas Mižnarodnaha ekanamičnaha forumu sustrelisia sa śpiecyjalnym pradstaŭnikom prezidenta Rasii Kiryłam Dźmitryjevym, paviedamiła rasijskaje dziaržaŭnaje ahienctva TASS.
Džared Kušnier, Kirył Dźmitryjeŭ i Styŭ Uitkaf. Fota: RIA-Novosti
Sustreča doŭžyłasia bolš za dźvie hadziny, presu na jaje nie puskali.
Paśla sustrečy Uitkaf nazvaŭ pieramovy «vielmi pazityŭnymi», a Dźmitryjeŭ adznačyŭ, što ich pieramovy ŭ Davosie prachodziać «kanstruktyŭna» i ŭsio bolš ludziej padtrymlivajuć pazicyju Rasii.
Padrabiaznaściej pra temu sustrečy baki nie raskryvajuć, ale čakałasia, što ŭ asnoŭnym na joj buduć abmiarkoŭvacca pytańni zaviaršeńnia rasijska-ŭkrainskaj vajny i amierykanskaha mirnaha płana.
Čytajcie taksama:
Uitkaf i Kušnier źbirajucca pryjechać u Maskvu i sustrecca z Pucinym
Makron u Davosie: Meta ZŠA — asłabić i padparadkavać Jeŭropu
Tramp źbirajecca raspaŭsiudzić pracu Rady miru na ŭsiu płanietu
Zialenski prakamientavaŭ zaprašeńnie Ukrainy ŭ Radu miru razam ź Biełaruśsiu i Rasijaj
Tramp zaprasiŭ u Radu pa Hazie 50 krain, u tym liku Rasiju, Ukrainu, Kitaj, Polšču i Biełaruś