Pamierła Iryna Bykava, udava Vasila Bykava
Pra śmierć udavy narodnaha piśmieńnika Biełarusi Vasila Bykava Iryny Bykavaj paviedamiŭ žurnalist, były deputat Viarchoŭnaha Savieta Biełarusi XII sklikańnia Siarhiej Navumčyk. Joj było 99 hadoŭ.
Iryna Bykava. Fota: «Radyjo Svaboda»
Vasil Bykaŭ i Iryna Suvorava paznajomilisia ŭ redakcyi haziety «Hrodzienskaja praŭda».
U «Doŭhaj darozie dadomu» Vasil Uładzimiravič zhadvaje, što «Iryna Michajłaŭna… stała pieršym i duža prydzirlivym krytykam usiaho mnoj napisanaha. Ciapier ja joj za toje vielmi ŭdziačny, chacia tady časam i kryŭdziŭsia».
Iryna Michajłaŭna drukavała na mašyncy tvory Bykava, kali jon byŭ jašče mała kamu viadomym aŭtaram — i praciahvała heta rabić doŭhija hady. «Miortvym nie balić», «Sotnikaŭ», «Znak biady» — nadrukavanyja joj.
U kancy śniežnia jana trapiła ŭ špital ź pierałomam ściahna i infarktam.
99 hadoŭ joj spoŭniłasia zusim niadaŭna — 13 studzienia 2026 hoda.