«Dałas» viarnuŭ biełaruskaha abaroncu Uładzisłava Kalačonka i adrazu adpraviŭ u farm-kłub

Kłub Nacyjanalnaj chakiejnaj lihi «Dałas Starz» zabraŭ biełaruskaha abaroncu Uładzisłava Kalačonka z drafta admoŭ, tym samym viarnuŭšy hulca ŭ svaju sistemu, paviedamlaje «Biełaruski chakiej».

Fota: x.com/DallasStars

Raniej «Bostan» vystaviŭ 24‑hadovaha ŭradženca Minska na draft admoŭ. Pavodle rehłamientu NCHŁ, luby kłub lihi moh zabrać chakieista biez kampiensacyi, čym i skarystaŭsia «Dałas».

U hetym siezonie NCHŁ Kalačonak vystupaŭ za «Dałas» i «Bostan». U sumie abaronca pravioŭ 13 matčaŭ, nabraŭ 3 (1+2) bały i maje pakazčyk karysnaści «+2».

Taksama jon pravioŭ 10 matčaŭ za «Techas Starz» u Amierykanskaj chakiejnaj lizie i nabraŭ 3 (0+3) bały, atrymaŭšy 10 chvilin štrafu.

Tudy «Dałas» i viarnuŭ Kalačonka biez prachodžańnia draftu admoŭ.

Kamientary da artykuła