Biełaruski chakieist źmianiŭ u NCHŁ kłub, inšaha vystavili na draft admoŭ
Abaronca Illa Sałaŭjoŭ źmianiŭ «Kałarada Evełanš» na «Pitsburh Pinhvinz».
«Pitsburh» zajmaje vośmaje miesca ŭ turnirnaj tablicy Uschodniaj kanfierencyi, u toj čas jak užo były kłub biełarusa z adryvam lidziruje na Zachadzie.
U hetym siezonie Illa zhulaŭ usiaho 16 matčaŭ za «Kałarada», nabraŭšy try bały (adna šajba + dźvie halavyja pieradačy». Usiaho ŭ Nacyjanalnaj chakiejnaj lizie ŭ jaho z 2023 hoda, Sałaŭjoŭ hulaŭ taksama za «Kałhary», za dva siezony pravioŭšy 31 matč (1+6).
Taksama ŭ aktyvie abaroncy bolš za 250 pajadynkaŭ u Amierykanskaj chakiejnaj lizie i 73 (20+53) vynikovyja bały.
U hetym siezonie ŭ NCHŁ hulajuć nastupnyja biełarusy: Alaksiej Protas («Vašynhton»), Jahor Šaranhovič («Kałhary»), Uład Kalačonak («Bostan»), Alaksiej Kołasaŭ («Fiładelfija»), Mikita Tałapiła («Vankuvier»).
Praŭda, Kalačonka «Bostan» vystaviŭ na draft admoŭ, jaho mohuć zabrać biaspłatna. Kali hetaha nie adbudziecca, to Ułada adpraviać u farm-kłub. Kalačonak pačynaŭ siezon u «Dałasie», ale potym byŭ adpraŭleny ŭ «Bostan», usiaho ŭ hetym siezonie zhulaŭ 13 matčaŭ, nabraŭšy try bały (1+2).
U Kołasava i Tałapiły ŭsiaho pa try i dva matčy ŭ hetym siezonie.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy30
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary