Tramp padpisaŭ statut Rady miru
Prezident ZŠA Donald Tramp padpisaŭ statut Rady miru — novaj mižnarodnaj arhanizacyi, jakuju jon stvaraje pad svaim staršynstvam.
Fota: AP Photo / Evan Vucci
Uračystaja cyrymonija padpisańnia adbyłasia na Suśvietnym ekanamičnym forumie ŭ Davosie ŭ prysutnaści lidaraŭ šerahu krain Blizkaha Uschodu, Paŭdniovaj Amieryki i Uschodniaj Jeŭropy, siarod jakich byli Viktar Orban, Nikoł Pašynian i Ilcham Alijeŭ. Admietna, što na scenie z Trampam nie było nivodnaha pradstaŭnika tradycyjnych zachodniejeŭrapiejskich sajuźnikaŭ Vašynhtona.
Novaja struktura, jakaja pieršapačatkova zadumvałasia dla kiravańnia siektaram Haza, atrymała značna šyrejšyja paŭnamoctvy i status aficyjnaj mižnarodnaj arhanizacyi.
Staršynioj Rady budzie sam Tramp, a za pažyćciovaje siabroŭstva krainam-udzielnicam prapanujecca ŭnieści pa adnym miljardzie dalaraŭ. Zaprašeńni dałučycca da novaj struktury atrymali amal 60 dziaržaŭ, u tym liku Ukraina, Rasija i Biełaruś.
Tramp zajaviŭ, što jaho Rada budzie supracoŭničać ź inšymi mižnarodnymi orhanami, uklučajučy AAN.
Čytajcie taksama:
U AAN adkazali, ci ŭschvalavanyja tam źjaŭleńniem Rady miru Trampa jak kankurenta arhanizacyi
Pucin prapanavaŭ uziać miljard za členstva Rasii ŭ Radzie miru z zamarožanych aktyvaŭ