U AAN adkazali, ci ŭschvalavanyja tam źjaŭleńniem Rady miru Trampa jak kankurenta arhanizacyi
Pakul amierykanski prezident krytykuje arhanizacyju za biaździejnaść i anansuje stvareńnie alternatyvy, u AAN nazyvajuć inicyjatyvu Trampa amorfnaj i nahadvajuć jamu pra pavahu da terytaryjalnaj cełasnaści inšych dziaržaŭ, u tym liku Hrenłandyi.
Arhanizacyja Abjadnanych Nacyj, niahledziačy na krytyku z boku prezidenta ZŠA, i nadalej budzie kiravacca svaim Statutam, nie bajučysia źjaŭleńnia mahčymaj alternatyvy. Pra heta skazaŭ žurnalistam namieśnik pradstaŭnika hienieralnaha sakratara AAN Farchan Chak, pieradaje «Ukrinfarm».
«My jasna dali zrazumieć, što prykładajem usie namahańni, kab palepšyć pracu AAN, kab jana efiektyŭna pracavała dla ŭsich zacikaŭlenych bakoŭ», — adznačyŭ Chak.
Pavodle słoŭ čynoŭnika, AAN i nadalej budzie «niastomna pracavać dziela miru z poŭnaj pavahaj da mižnarodnaha prava i prykładać usiebakovyja namahańni dla likvidacyi pieršapryčyn kanfliktaŭ, kab zabiaśpiečyć ustojlivyja rašeńni dla dasiahnieńnia miru».
Što tyčycca anansavanaj Trampam Rady miru, jon zaŭvažyŭ, što na siońnia heta amorfnaja struktura — «z punktu hledžańnia taho, što jana budzie rabić».
Namieśnik pradstaŭnika nahadaŭ, što šmatlikija arhanizacyi, rehijanalnyja struktury, abarončyja aljansy suisnavali z AAN na praciahu 80 hadoŭ.
U toj ža čas jon ukazaŭ, što rašeńnie ab stvareńni Rady miru dla pracy ŭ Hazie ŭchvaliŭ Saviet Biaśpieki AAN. «I my, viadoma, praciahvajem prytrymlivacca hetaj rezalucyi, — skazaŭ Chak. — Što budzie ŭ budučyni? Pabačym».
Pry hetym jon padkreśliŭ, što AAN nie turbujecca praz źjaŭleńnie novych arhanizacyj i pracuje ŭ adpaviednaści sa svajoj prahramaj i Statutam. U arhanizacyi «bahataja historyja dasiahnieńniaŭ i šyroki nabor mandatnych zadač, jakija my pastajanna vykonvajem», adznačyŭ namieśnik pradstaŭnika.
Adnosna zajaŭ Trampa pra Hrenłandyju Chak padkreśliŭ: «My dali zrazumieć, što čakajem ad usich dziaržaŭ zachavańnia Statuta AAN, u jakim, viadoma, zamacavana pavaha da suvierenitetu i terytaryjalnaj cełasnaści dziaržaŭ-členaŭ, i my praciahniem na hetym nastojvać».
Taksama jon painfarmavaŭ, što hienieralny sakratar Antoniu Huteryš praz chvarobu nie pajechaŭ u Davos i pracuje dystancyjna.
Raniej Tramp zajaviŭ, što stvoranaja im Rada miru moža ŭ budučyni zamianić Arhanizacyju Abjadnanych Nacyj, jakuju prezident ZŠA raskrytykavaŭ za nieefiektyŭnaść u spynieńni vojnaŭ.
Ciapier čytajuć
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca8
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1212
Kamientary
Tramp prosta uskryvaje ŭsiu chłuślivaść i kryvadušnaść sučasnaha śvietu.
Jeŭropa jaho dyk naohuł zasłužyła.