NATA płanuje stvaryć na miažy ź Biełaruśsiu biaźludnuju zonu z robatami i dronami
NATA płanuje za dva hady abstalavać miežy z Rasijaj i Biełaruśsiu aŭtamatyzavanaj sistemaj abarony, jakaja ŭklučaje robataŭ, mnostva datčykaŭ i dronaŭ. Da miažy taksama pierakinuć vialikuju kolkaść techniki i ŭzbrajeńniaŭ. Pra hetyja płany žurnalistam haziety Welt am Sonntag raskazaŭ namieśnik načalnika štaba kamandavańnia suchaputnych sił NATA hienierał Tomas Łovin, piša Bild.
Zdymak ilustracyjny. Fota: AP Photo / Michal Dyjuk
«My ŭbačym značna bolšyja zapasy zbroi, čym raniej, u dziaržavach NATA na miažy z Rasijaj», — zajaviŭ hienierał Łovin.
Pa jaho słovach, NATA płanuje ŭ asnoŭnym abapiracca na techniku i budučuju «składanuju, šmatuzroŭnievuju sistemu abarony» ŭzdoŭž miežaŭ z Rasijaj i Biełaruśsiu. Tak zvanaja aŭtamatyzavanaja zona budzie abstalavanaja takim čynam, što na pieršym etapie strymlivać voraha buduć rabatyzavanyja ŭzbrajeńni i praciŭniku «spačatku daviadziecca jaje pieraadoleć».
Sens zadumy — źbierahčy sałdat: pa słovach Łovina, hetaja zona budzie ŭ značnaj stupieni bieźludnaj.
Zajavy hienierała Łovina — pieršaje publičnaje paviedamleńnie pra novuju kancepcyju abarony NATA pad nazvaj Eastern Flank Deterrence Line (EDFL, «linija strymlivańnia ŭschodniaha fłanha»). Pavodle infarmacyi haziety Welt am Sonntag, jaje płanujecca realizavać da kanca 2027 hoda.
Čytajcie taksama:
U novaj abaronnaj stratehii ZŠA nazvali Rasiju «pastajannaj, ale kantralavanaj pahrozaj»