U novaj abaronnaj stratehii ZŠA nazvali Rasiju «pastajannaj, ale kantralavanaj pahrozaj»
U dakumiencie Pientahona «Nacyjanalnaja stratehija abarony», apublikavanym 23 studzienia, adznačajecca, što Maskva i ŭ najbližejšaj budučyni budzie zastavacca faktaram pahrozy dla NATA.
Pavodle stratehii, Rasija nadalej budzie pastajannaj, choć i kiravanaj pahrozaj dla ŭschodnich krain — členaŭ NATA. Niahledziačy na demahrafičnyja i ekanamičnyja prablemy, vajna va Ukrainie, jak padkreślivajecca, śviedčyć pra toje, što Rasija ŭsio jašče maje značny vajskovy i pramysłovy patencyjał.
Amierykanskaje abaronnaje viedamstva taksama ličyć, što Rasija zastajecca niebiaśpiečnaj i dla samich Złučanych Štataŭ. Pryčyna — najbujniejšy ŭ śviecie jadzierny arsienał, jaki, pavodle danych Stakholmskaha instytuta daśledavańniaŭ prablem miru (SIPRI), naličvaje kala 5 580 bojehałovak i praciahvaje madernizavacca.
Akramia taho, u dakumiencie zhadvajucca padvodnyja, kaśmičnyja i kibierapieracyjnyja mahčymaści Rasii, jakija tearetyčna mohuć być vykarystanyja suprać terytoryi ZŠA. U suviazi z hetym Vašynhton zajaŭlaje pra namier padtrymlivać hatoŭnaść svaich vojskaŭ da abarony ad mahčymych rasijskich pahroz.
Razam z tym Pientahon adznačaje, što Rasija nie zdolnaja damahčysia daminavańnia ŭ Jeŭropie. Jeŭrapiejskija siły NATA, jak śćviardžajecca, značna pieraŭzychodziać Rasiju pa ekanamičnym patencyjale, kolkaści nasielnictva i, adpaviedna, pa ahulnaj vajskovaj mocy. Adnak pry hetym padkreślivajecca, što rasijskaja dziaržava prademanstravała hatoŭnaść vieści praciahłuju vajnu ŭ susiednich rehijonach.
Asobny akcent u stratehii zrobleny na roli Jeŭropy ŭ padtrymcy Ukrainy. U dakumiencie havorycca, što choć vajna pavinna zaviaršycca, asnoŭnaja adkaznaść za heta kładziecca na jeŭrapiejskija krainy. Zabieśpiačeńnie i zachavańnie miru, na dumku Pientahona, zapatrabuje lidarstva i aktyŭnaj pazicyi sajuźnikaŭ pa NATA.
Hetyja padychody adpaviadajuć i pałažeńniam stratehii nacyjanalnaj biaśpieki ZŠA, apublikavanaj u śniežni 2025 hoda. U joj, siarod inšaha, havaryłasia pra nieabchodnaść zakančeńnia vajny va Ukrainie, adnaŭleńnia stratehičnaj stabilnaści ŭ adnosinach z Rasijaj i admovu ad dalejšaha pašyreńnia NATA.
Biełaruś vyvodziać ź izalacyi nie prosta tak — Zianon Paźniak pra palityku Trampa
Pucin prapanavaŭ uziać miljard za členstva Rasii ŭ Radzie miru z zamarožanych aktyvaŭ
«Ja prosta prašu kavałak lodu». Tramp skazaŭ, što nie budzie zachoplivać Hrenłandyju siłaj
Rudkoŭski tłumačyć, čamu Tramp maje racyju nakont Hrenłandyi
Źmiena režymu ŭ Rasii i kudy pryjdzie Tramp? Historyk — pra novy suśvietny paradak i prahnozy na 2026 hod
Ciapier čytajuć
Jak u halečy śpivałasia radnia Łukašenki? Małaviadomyja fakty45
Kamientary