Zialenski znoŭ zhadaŭ Biełaruś i kamandu Cichanoŭskaj
«Budzie dzień, kali Biełaruś budzie ŭ Jeŭropie razam z nami ŭsimi i budzie mienavita tak, jak ludzi ŭ Biełarusi zasłuhoŭvajuć».
Fota: V_Zelenskiy_official / Telegram
Prezident Ukrainy Uładzimir Zialenski na pres-kanfierencyi paśla pamiatnych mierapryjemstvaŭ u Vilni ŭ honar paŭstancaŭ 1863‑1864 hadoŭ jašče raz zhadaŭ Biełaruś.
«Dziakuju Litvie za toje, što my ŭsie siońnia voś tak byli razam: ukraincy, litoŭcy, palaki. I siońnia z nami byli pradstaŭniki kamandy volnaj Biełarusi, i heta kaža ŭsim davoli jasna, što budzie dzień, kali Biełaruś budzie ŭ Jeŭropie razam z nami ŭsimi i budzie mienavita tak, jak ludzi ŭ Biełarusi zasłuhoŭvajuć.
My ŭsie pavinny być efiektyŭnymi ŭ supracoŭnictvie — u abaronie našaha suvierenitetu, našych narodaŭ — usie ŭ našaj častcy Jeŭropy i ŭsie ŭ Jeŭropie. Usie my viedajem, što dla hetaha patrebna», — skazaŭ Zialenski.
Dahetul u pramovie ŭ Kafiedralnym kaściole jon adznačaŭ, što «biełamu špicu Łukašenki pakinuta bolš pravoŭ, čym narodu Biełarusi». «Byŭ šans u 2020 hodzie heta źmianić — i jašče budzie taki šans», — vykazaŭ spadzieŭ Zialenski.
Čytajcie taksama:
Naŭsieda, Naŭrocki, Zialenski i Cichanoŭskaja ŭskłali kvietki ŭ pamiać ab paŭstancach
Zialenski ŭ Vilni: Pakul špic Łukašenki maje bolš pravoŭ, čym narod Biełarusi
Naŭsieda: Vieru, što adnojčy pieramohuć i demakratyčnyja siły našych susiedziaŭ — biełarusaŭ