U Biełarusi pradali tur na 10 dzion za dvaich amal za 23 tysiačy dalaraŭ. Što za kirunak?
Turahienctva «Žara Trevieł» pachvaliłasia ŭ Threads, što 26 studzienia ŭpieršyniu ŭ svajoj historyi zmahło pradać tur koštam 22728 dalaraŭ.
Hara Fudzi z pahadaj Čurejta ŭ Japonii. Zdymak ilustracyjny. Fota: vecteezy.com
«Učora ŭ nas zabraniravali samy darahi tur za našu historyju. Japonija z vyletam ź Minska za 22 728$ na 10 dzion. Zastałosia dačakacca paćviardžeńnia vizy i pažadać dobraha adpačynku», — napisali na staroncy turahienctva.
Jak vynikaje z prykładzienaha skrynšota, klijenty ŭžo ŭnieśli i pieradapłatu pamieram 7759 dalaraŭ, ci ŭ ekvivalencie 22578 rubloŭ.
Z dalejšych tłumačeńniaŭ u kamientarach vyśvietliłasia, što heta tur na dźvie asoby, i ŭ im «usio VIP». Što mienavita ŭ heta ŭvachodzić, udakładniać ahienctva nie stała.
«2 čałavieki, biznes-pieraloty, VIP-hateli, 10 dzion», — taki byŭ łakaničny adkaz na adpaviednaje pytańnie.
Praź jakija pramiežkavyja punkty robicca pieralot, taksama peŭnaści niama — ci to praz Dubaj, ci praź Piekin.
Ludzi ŭ kamientarach za padarožnikaŭ paradavalisia, choć, jak mnohija žartavali, «nie ad usioj dušy».
Ceny pry hetym zdalisia «zavobłačna dziŭnymi».
Adzin z karystalnikaŭ adznačyŭ, što «ŭ Antarktydu tańniej», z čym ahienctva pahadziłasia.
Inšyja dzialilisia svaim ułasnym vopytam, kali padarožžy ŭ dalokija krainy abychodzilisia kudy tańniej:
«My z chłopcam na miesiac [u Japoniju] lotali i z pražyvańniem dy kvitkami patracili 2900$»;
«U Kieniju na safary — stolki kaštavali pieralot, hateli, ujezd u park, biez charčavańnia — siamja 2+2. U vas jość da čaho imknucca».
Čytajcie taksama:
U Japonii na pasadu načalnika čyhunačnaj stancyi aficyjna pryznačyli kotku
«Doŭhaja daroha pa ŭsim śviecie». Biełaruska z adnym zaplečnikam abjeździła 40 krain
«Kim — adziny toŭsty čałaviek, jakoha ja tam bačyŭ». Biełarus raskazaŭ, jak jon pabyvaŭ u KNDR