Japoncy sa ślaźmi na vačach raźvitvajucca z pandami — žyviolin zabiraje Kitaj praz paharšeńnie adnosin pamiž krainami
Tysiačy ludziej pryjšli ŭ hetuju niadzielu ŭ zaapark Uena ŭ Tokia, kab raźvitacca z dvuma vialikimi pandami, jakich u aŭtorak adpraŭlajuć nazad u Kitaj, piša Bi-bi-si.
Kab ubačyć dvajniat Siaa Siaa i Łej Łej, ludzi stajali ŭ čarzie da troch z pałovaj hadzin. Hetyja pandy naradzilisia ŭ Japonii, u takijskim zaaparku ŭ 2021 hodzie, ale ličacca ŭłasnaściu Kitaja — KNR zachoŭvaje prava ŭłasnaści nie tolki na padarunkavych pand, ale i na ichnaje patomstva.
Z 1949 hoda — z momantu abviaščeńnia Kitajskaj Narodnaj Respubliki — Kitaj pieradaje inšym krainam pand jak znak dobraachvotnaści (ale moža taksama patrabavać viartańnia svajoj ułasnaści). Uzamien krainy-prymalniki płaciać hadavuju vypłatu kala 1 młn dalaraŭ za paru pand.
Niahledziačy na toje, što ŭrad stalicy Japonii prasiŭ kitajskija ŭłady prysyłać zamienu hetym pandaŭ, u Piekinie zajavili, što takich płanaŭ niama.
Pandy buduć pierapraŭleny samalotam u Kitaj, dzie spačatku pasiadziać na karancinie, a potym znoŭ złučacca sa svajoj siastroj Sian Sian u centry pa vyvučeńni i zachavańni papulacyi hetych žyvioł u pravincyi Syčuań.
Pieršych pand padaryli Japonii ŭ 1972 hodzie, kali dźvie krainy narmalizavali adnosiny. Ciapier Japonija ŭpieršyniu za apošnija 50 z pałovaj hadoŭ zastaniecca biez pand. U dačynieńniach pamiž krainami — napružany pieryjad, asabliva paśla taho, jak premjer-ministarka Japonii Sanae Takaici zajaviła, što japonskim uzbrojenym siłam pryjdziecca ŭmiašacca, kali Kitaj napadzie na Tajvań.
Piekin razhladaje samakiravany vostraŭ jak častku svajoj terytoryi i nie vyklučaje prymianieńnia siły dla «adnaŭleńnia adzinstva» ź im. Na pačatku hetaha miesiaca Kitaj uzmacniŭ abmiežavańni na ekspart u Japoniju pradukcyi, źviazanaj z redkaziamielnymi mietałami, i prypyniŭ impart marskich praduktaŭ.
Piekin vydaŭ dla svaich hramadzian papiaredžańnie ab niežadańni pajezdak u Japoniju. Sa słoŭ japonskaha ministra turyzmu Jasusi Kaneko, kolkaść kitajskich turystaŭ u Japonii ŭ minułym miesiacy skaraciłasia amal udvaja ŭ paraŭnańni z anałahičnym pieryjadam minułaha hoda — prykładna da 330 tys. čałaviek.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy72
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary
Nu ničoha, kaliści pandy taksama buduć volnyja