Litva pryhraziła Biełarusi novym zakryćciom miažy
Litva ŭručyła Biełarusi dypłamatyčnuju notu z rašučym pratestam paśla taho, jak šary z kantrabandnymi cyharetami z terytoryi Biełarusi čarhovy raz pieraškodzili pracy Vilenskaha aeraporta.
MZS Litvy
Biełaruskaha dypłamata, vyklikanaha ŭ MZS Litvy, papiaredzili, što ŭ vypadku paŭtareńnia takich incydentaŭ Litva moža iznoŭ uvieści abmiežavańni na pierasiačeńnie miažy abo pryniać inšyja miery.
Ministerstva zamiežnych spraŭ Litvy taksama adznačyła, što raniej biełaruskija pavietranyja šary nieadnarazova parušali litoŭskuju pavietranuju prastoru, što ŭ Vilni razhladajuć jak surjoznaje parušeńnie mižnarodnaha prava i pahrozu biaśpiecy krainy.
Spynieńnie pracy Vilenskaha aeraporta ŭ vyniku niadaŭnich incydentaŭ zakranuła kala 1,7 tysiačy pasažyraŭ. Byli prypynienyja try rejsy, uźnikli zboi jašče pa piaci.
U MZS Biełarusi pakul nie kamientavali pratest litoŭskich dypłamataŭ.
Čytajcie taksama:
Litva źvierniecca da ZŠA ŭ spravie apošniaha vypadku ź mieteazondami
U Vilni ŭčora pryziamliŭsia kantrabandny šar ź biełaruskimi cyharetami