U Vilni ŭčora pryziamliŭsia kantrabandny šar ź biełaruskimi cyharetami
Čałaviek, jaki prybyŭ pa hruz, paraniŭ supracoŭnika palicyi i źbieh, paviedamiŭ u sieradu Departamient palicyi.
Kala 21:00 u aŭtorak da znojdzienaj skrynki padjechaŭ aŭtamabil Mercedes Benz ML350 4MATIC. Mužčyna, jaki vyjšaŭ z mašyny, nakiravaŭsia da hruzu, adnak, zaŭvažyŭšy palicyjantaŭ, pabieh i zaskočyŭ nazad u aŭtamabil, paviedamlaje LRT.
Pakidajučy miesca zdareńnia, aŭtamabil začapiŭ 25‑hadovaha supracoŭnika palicyi Vilenskaha pavieta va ŭniformie. Palicejski pa miedycynskuju dapamohu nie źviartaŭsia.
Na miescy zdareńnia było vyjaŭlena i kanfiskavana 1500 pačkaŭ cyharet «NZ Gold» ź biełaruskimi akcyznymi markami.
Z-za pahrozy, źviazanaj z kantrabandnymi šarami ź Biełarusi, učora ŭviečary niekalki razoŭ uvodzilisia abmiežavańni na paloty ŭ Vilenskim aeraporcie, upieršyniu z 6 śniežnia.
Pavietranuju prastoru nad aeraportam časova zakryvali ŭ metach biaśpieki hramadzianskaj avijacyi, pasažyraŭ i nasielnictva — słužby fiksavali navihacyjnyja adznaki, charakternyja dla palotaŭ mietearałahičnych šaroŭ.
U vyniku abmiežavańniaŭ častka rejsaŭ była zatrymana, niekalki samalotaŭ pieranakiravali ŭ Ryhu i Koŭna, usiaho źmieny zakranuli kala 700 pasažyraŭ. Taksama paviedamlałasia ab zbojach u ratacyi ekipažaŭ i pavietranych sudnaŭ, z-za čaho asobnyja zatrymki mahčymyja i siońnia.
Situacyju kantralavali słužby hramadzianskaj avijacyi i Nacyjanalny centr kiravańnia kryzisami. Paśla acenki ryzyk pavietranaja prastora nad Vilenskim aeraportam była znoŭ adkryta.
Z-za pahrozy kantrabandnych šaroŭ ź Biełarusi, jakija abmiežavali pracu vilenskaha aeraporta, ministr transpartu Juras Taminskas nie zmoh viarnucca z kamandziroŭki ŭ Brusieli, paviedamiŭ pradstaŭnik ministra Łukas Paškiavičus.
«Ministr siońnia ŭviečary paśpiachova pryziamliŭsia ŭ Varšavie, ale sa stalicy Polščy kamanda nie zmahła dabracca da Litvy. Abmiežavańni pavietranaj prastory ŭviedzieny da 00:18», — paviedamiŭ pradstaŭnik Taminskasa.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary