U Minsku adkryŭsia jašče adzin «Mandaryn»
U mikrarajonie Kamiennaja Horka ŭ Minsku adkryŭsia novy fizkulturna-azdaraŭlenčy kompleks «Mandaryn» na vulicy Kazimiraŭskaja. Jon pačaŭ prymać naviedvalnikaŭ uviečary 29 studzienia, paviedamlaje błohier Koko.by.
Fota: Jandeks-Karty
Budynak kompleksu ŭzvodziŭsia sa śniežnia 2024 hoda, a ŭvieści jaho ŭ ekspłuatacyju płanavałasia da kanca 2025 hoda. FAK šmatfunkcyjanalny: tut jość try basiejny (u tym liku dziciačy i śpiecyjalny dla navučańnia płavańniu), niekalki łaźniaŭ, salany pakoj, džakuzi, kaviarnia, zona adpačynku z šezłonhami i trenažornaja zała.
Fizkulturna-azdaraŭlenčy kompleks «Mandaryn» uvachodzić u sietku dziaržaŭnaha pradpryjemstva «Akva-Minsk», jakoje maje ŭłasnyja 10 abjektaŭ. Akramia «Mandaryna», arhanizacyja kiruje akvaparkam «Lebiadziny», hrupaj hatelaŭ «Akva-Minsk», klinikaj «Akva-Minsk Klinika», tenisnym centram i inšymi abjektami.
U vieraśni 2025 hoda «Akva-Minsk» adkryła padobny spartkompleks u mikrarajonie Łošyca z anałahičnaj infrastrukturaj: try basiejny, łaźni, trenažornaja zała, salany pakoj i zona adpačynku z šezłonhami.
Čytajcie taksama:
U Łošycy rychtujuć da adkryćcia daŭhabud «Mandaryn»
Dziaŭčyna nabiła tatu, kab chadzić biaspłatna ŭ akvapark. Ale ŭ vyniku sistema dała zboj
Tak ciapier vyhladaje byłaja Vaładarka, pastaŭlenaja na rekanstrukcyju FOTAFAKT